బ్రిడ్జి నిర్మాణానికి మట్టి నమూన సేకరణ... మట్టి నమూన పనుల పరిశీలిస్తున్న ఆర్ అండ్ బి అధికారులు...
కనగల్, మేజర్ న్యూస్: కనగల్లో హ్యమ్ రోడ్డు నిర్మాణంలో భాగంగా కనగల్ వాగులో నూతన బ్రిడ్జి నిర్మాణానికి మట్టి నమూనా సేకరణ పనులు కొనసాగుతున్నవి. శనివారం ఆర్ అండ్ బి డిఈ గణేష్, ఎఇ శ్రీకాంత్ నమూనా సేకరణ పనులను పరిశీలించారు. పనులను వేగవంతం చేయాలని కాంట్రాక్టర్ కు సూచించారు. అదేవిధంగా కనగల్ ఎక్స్ రోడ్ నుంచి కనగల్ గ్రామం వరకు నాలుగు లైన్ల రోడ్డు విస్తరణతో పాటు గ్రామంలోని పంచాయతీ కార్యాలయం మీదుగా పురాతన శివాలయం వరకు సీసీ రోడ్డు ఏర్పాటుకు సర్వే జరిపారు. అనంతరం డి ఇ గణేష్ మాట్లాడుతూ కనగల్ జంక్షన్ విస్తరణలో భాగంగా డ్రెన్ కాలువల నిర్మాణం పనులను సోమవారం ప్రారంభిస్తామన్నారు. కనగల్ బ్రిడ్జి వద్ద డీవీకే రోడ్డు నుంచి తేలకంటి గూడెం వరకు ఐదు కిలోమీటర్ల డబల్ రోడ్డు పనులు త్వరలో మొదలవుతాయని వివరించారు. ఈ కార్యక్రమంలో మాజీ జెడ్పిటిసి నర్సింగ్ శ్రీనివాస్ గౌడ్, సర్పంచ్ నర్సింగ్ మురళీధర్ గౌడ్ ,మాజీ ఎంపీటీసీ నర్సింగ్ కృష్ణయ్య గౌడ్ తదితరులు ఉన్నారు.
