telangana
స్వదేశీ జాగరణ మంచ్ పాలమూరు విభాగ్ విద్యా కో-కన్వీనర్‌గా చింతల మొగులప్ప నియామకం
బొంరాస్‌పేట్, మేజర్ న్యూస్: ఆర్‌ఎస్‌ఎస్ అనుబంధ సంస్థ స్వదేశీ జాగరణ మంచ్ పాలమూరు విభాగ్ విద్యా కో-కన్వీనర్‌గా చింతల మొగులప్ప నియమితులయ్యారు. మహబూబ్‌నగర్, నారాయణపేట, వనపర్తి, గద్వాల, నాగర్‌కర్నూల్ జిల్లాలతో కూడిన పాలమూరు విభాగ్ పరిధిలో ఆయన ఈ బాధ్యతలను నిర్వహించనున్నారు.
చింతల మొగులప్ప గతంలో అఖిల భారతీయ విద్యార్థి పరిషత్ (ఏబీవీపీ)లో కో-కన్వీనర్ స్థాయి నుంచి వివిధ బాధ్యతలు చేపట్టి సంస్థ కార్యకలాపాల్లో చురుకుగా పాల్గొన్నారు. విద్యార్థుల సమస్యల పరిష్కారానికి, సంస్థ బలోపేతానికి తనవంతు కృషి చేశారు. ఆయనకు సంస్థలో ఉన్న అనుభవం, సేవలను గుర్తించి తాజాగా విద్యా కో-కన్వీనర్ బాధ్యతలు అప్పగించారు.ఈ సందర్భంగా నూతనంగా నియమితులైన చింతల మొగులప్పను పలువురు నాయకులు ఘనంగా సన్మానించి అభినందనలు తెలిపారు. ఈ కార్యక్రమంలో మండల అధ్యక్షుడు జగదీష్, ముకుంద్, చింతల నర్సింలు, సతీష్ తదితరులు పాల్గొన్నారు.
