98 ఏళ్ల వయసులోనూ ఓటు వేసి ఆదర్శంగా నిలిచిన....... లక్ష్మీ కాంతమ్మ

పొన్నూరు  న్యూస్ : వయస్సు  మీద పడినా ప్రజాస్వామ్యంపై ఉన్న నమ్మకం ఏ మాత్రం తగ్గలేదని నిరూపించారు శలపాడు గ్రామానికి చెందిన 98 ఏళ్ల వృద్ధురాలు పోలవరపు లక్ష్మీ కాంతమ్మ.చేబ్రోలు మండలం శలపాడు గ్రామంలోని మండల పరిషత్ ప్రాథమిక పాఠశాల సమీపంలోని మర్రిచెట్టు వద్ద ఏర్పాటు చేసిన పోలింగ్ కేంద్రంలో ఆమె తన ఓటు హక్కును వినియోగించుకున్నారు. పోలింగ్ కేంద్రానికి చేరుకుని ఎంతో ఉత్సాహంగా ఓటు వేశారు.98 ఏళ్ల వయసులోనూ ఓటు వేయడం పట్ల ఆమె చూపిన శ్రద్ధ, ఉత్సాహం అక్కడ ఉన్న వారందరినీ ఆకట్టుకుంది. ప్రతి ఒక్కరూ తమ ఓటు హక్కును తప్పకుండా వినియోగించుకోవాలని ఆమె ఆచరణలో చూపించారని గ్రామస్తులు అభినందించారు. ముఖ్యంగా యువతకు లక్ష్మీ కాంతమ్మ ఆదర్శంగా నిలిచారని పేర్కొన్నారు.