తుఫాను ప్రభావిత ప్రాంతాల్లో 354 వైద్య శిబిరాలు నిర్వహణ

గుంటూరు కలెక్టరేట్ న్యూస్: తుఫాను ప్రభావిత ప్రాంతాల్లో 354 వైద్య శిబిరాలను గురువారం నిర్వహించామని జిల్లా కలెక్టర్ సి.యం.సాయికాంత్ వర్మ తెలిపారు. గుంటూరు రూరల్ మండలం లాలు పురం గ్రామంలో పోలింగ్ ను పరిశీలించిన కలెక్టర్, అచ్చట ఏర్పాట్లు పట్ల, వైద్య శిబిరం పట్ల ఆరా తీశారు. ఈ సందర్భంగా జిల్లా కలెక్టర్ మాట్లాడుతూ గ్రామీణ ప్రాంతాల్లో 229, పట్టణ ప్రాంతాల్లో 125 వైద్య శిబిరాలు నిర్వహించి 2,508 మందికి వైద్య సేవలు అందించడం జరిగిందన్నారు. బుధవారం గ్రామీణ ప్రాంతాల్లో 221, పట్టణ ప్రాంతాల్లో 82 వైద్య శిబిరాలు వెరసి 303 శిబిరాలు నిర్వహించి 3,028 మందికి వైద్య సేవలు అందించడం జరిగిందన్నారు. 8 పునరావాస కేంద్రాల్లోను ఏర్పాటు చేసి సేవలు అందించడం జరిగిందన్నారు. గురువారం అప్పాపురం పునరావాస కేంద్రంలో వైద్య శిబిరాన్ని కొనసాగించామని చెప్పారు. తుఫాను అనంతరం వ్యాధులు ప్రభలుటకు అవకాశాలు ఎక్కువగా ఉంటాయని, ముందస్తు చర్యగా వైద్య శిబిరాలను నిర్వహించామని చెప్పారు. ఇప్పటికే తాగునీటి పథకాలను క్లోరినేషన్ చేయడం జరిగిందని పేర్కొన్నారు. పారిశుద్ధ్య నిర్వహణకు ప్రత్యేక చర్యలు చేపట్టడం జరిగిందని చెప్పారు. ప్రజలు కొద్ది రోజులపాటు పారిశుధ్య నిర్వహణ తాగునీటిపై జాగ్రత్తలు వహించాలని కోరారు. నీటిని బాగా మరగకాచి చల్లార్చి తాగాలని కోరారు. వైద్యులు వైద్య సిబ్బంది మంచి సేవలను అందించారని కొనియాడారు. 

అన్ని పోలింగ్ కేంద్రాల్లో వైద్య శిబిరాలు…జిల్లాలో జడ్పిటిసి ఎంపీటీసీ ఎన్నికలు పోలింగ్ జరిగిన 724 కేంద్రాల్లోనూ గురువారం వైద్య శిబిరాలను నిర్వహించి సేవలు అందించామని చెప్పారు. బుధవారం అన్ని ఎన్నికల పంపిణీ కేంద్రాల్లో వైద్య శిబిరాలు నిర్వహించామని, ఏడవ తేదీన తెనాలి,  ఆచార్య నాగార్జునవిశ్వవిద్యాలయంలో జరిగే ఓట్ల లెక్కింపు కేంద్రాల్లోనూ వైద్య శిబిరాలు కొనసాగిస్తామని తెలిపారు. పునరావాస కేంద్రాలలోనూ, గ్రామాల్లోను వైద్య శిబిరాలను నిర్వహించడం పట్ల ప్రజలు సంతోషం వ్యక్తం చేశారని చెప్పారు. వైద్య సేవలను ప్రజలకు చేరువు చేయడం జరిగిందని పేర్కొన్నారు.