ఎంపీపీ ఎస్ రాయికోడ్‌లో ఘనంగా పేరెంట్స్–టీచర్స్ సమావేశం
రాయికోడ్;మండల కేంద్రంలోని మండల పరిషత్ ప్రాథమిక పాఠశాల ఎంపీపీ ఎస్ పాఠశాల రాయికోడ్‌లోని పేరెంట్స్–టీచర్స్ మీటింగ్ (PTM) నిర్వహించారు. ఈ సమావేశంలో పాఠశాల ఎల్.ఎఫ్.ఎల్. ప్రధానోపాధ్యాయులు బి. శ్రీనివాస్, ఎస్సీ హాస్టల్ వార్డెన్, వంశీకృష్ణ పాఠశాల ఉపాధ్యాయులు, విద్యార్థుల తల్లిదండ్రులు పాల్గొన్నారు.ఈ సందర్భంగా విద్యార్థులకు నిర్వహించిన సమ్మేటివ్ అసెస్‌మెంట్–1 (SA-1) పరీక్షల ప్రోగ్రెస్ కార్డులను తల్లిదండ్రులకు పంపిణీ చేశారు. విద్యార్థుల పరీక్షల ఫలితాలు, అభ్యసన సామర్థ్యాలు, విషయాల వారీగా సాధించిన ప్రగతిని తల్లిదండ్రులకు వివరించారు.విద్యార్థుల విద్యాభివృద్ధిలో పాఠశాల ఉపాధ్యాయులతో పాటు తల్లిదండ్రుల పాత్ర కూడా ఎంతో ముఖ్యమని సమావేశంలో వివరించారు. పిల్లలు ప్రతిరోజూ పాఠశాలకు హాజరయ్యేలా చూడటంతో పాటు, ఇంటి వద్ద చదువుకునే అలవాటును పెంపొందించాలని తల్లిదండ్రులకు సూచించారు.విద్యార్థుల అభ్యసన స్థాయిని మెరుగుపరచడానికి పాఠశాల మరియు తల్లిదండ్రుల మధ్య సమన్వయం అవసరమని, ప్రతి విద్యార్థిపై ప్రత్యేక శ్రద్ధ చూపినప్పుడే మెరుగైన విద్యా ఫలితాలు సాధ్యమవుతాయని పేర్కొన్నారు.ఈ కార్యక్రమం ద్వారా పాఠశాల విద్యార్థుల ప్రగతిపై తల్లిదండ్రులకు అవగాహన కల్పించడంతో పాటు, విద్యార్థుల భవిష్యత్తు అభివృద్ధికి ఉపాధ్యాయులు, తల్లిదండ్రులు కలిసి పనిచేయాలనే సందేశాన్ని అందించారు.
