*నీలం మధు ముదిరాజ్‌కు అవకాశం కల్పించాలి: తెలంగాణ ముదిరాజ్ పోరాట సమితి జహీరాబాద్ ఇంచార్జి రవి ముదిరాజ్ ఎన్ ఎమ్ ఆర్*
జహీరాబాద్;తెలంగాణ రాష్ట్రంలో ముదిరాజ్ సామాజిక వర్గానికి రాజకీయ ప్రాతినిధ్యం కల్పిస్తూ, కాంగ్రెస్ పార్టీ ప్రజా నాయకుడు నీలం మధు ముదిరాజ్‌కు ఎమ్మెల్సీ పదవి కేటాయించి సముచిత గౌరవం కల్పించాలని తెలంగాణ ముదిరాజ్ పోరాట తెలంగాణ సమితి జహీరాబాద్ ఇన్ఛార్జి రవి ముదిరాజ్ కాంగ్రెస్ పార్టీ అధిష్ఠానాన్ని కోరారు.కాంగ్రెస్ పార్టీ బలోపేతం కోసం అహర్నిశలు కృషి చేస్తూ, బడుగు బలహీన వర్గాల అభ్యున్నతి కోసం నిరంతరం పోరాడుతున్న నీలం మధు ముదిరాజ్‌కు ఎమ్మెల్సీ పదవి ఇవ్వాలని విజ్ఞప్తి చేశారు. గత బీఆర్ఎస్ ప్రభుత్వానికి వ్యతిరేకంగా ధైర్యంగా పోరాడి, గల్లీ నుంచి ఢిల్లీ వరకు ముదిరాజుల సమస్యలను, హక్కులను వినిపించిన పోరాట యోధుడిగా ఆయన గుర్తింపు పొందారని పేర్కొన్నారు.యువతకు ఆదర్శంగా, పేదలకు ఆపద్బాంధవుడిగా, ప్రజాసేవే లక్ష్యంగా పనిచేస్తున్న నీలం మధు ముదిరాజ్‌కు తెలంగాణవ్యాప్తంగా ప్రజాదరణ ఉందన్నారు. పదవుల కోసం కాకుండా ప్రజల ఆత్మగౌరవం, సామాజిక న్యాయం కోసం పోరాడుతున్న నాయకుడికి తగిన గుర్తింపు ఇవ్వాల్సిన బాధ్యత కాంగ్రెస్ పార్టీపై ఉందని తెలిపారు.సామాజిక న్యాయానికి ప్రాధాన్యత ఇస్తున్న కాంగ్రెస్ పార్టీ ముదిరాజ్ సామాజిక వర్గానికి ఎమ్మెల్సీ పదవి కేటాయించడం ద్వారా రాజకీయ ప్రాతినిధ్యానికి పెద్దపీట వేయాలని కోరారు. నీలం మధు ముదిరాజ్‌కు ఎమ్మెల్సీ పదవి కల్పించి ముదిరాజ్ సమాజానికి తగిన రాజకీయ గౌరవం అందించాలని సుంకరబోయిన. రవి ముదిరాజ్ విజ్ఞప్తి చేశారు.
