శ్రీకృష్ణ కాన్సెప్ట్ స్కూల్లో ముందస్తు బాలల దినోత్సవం

లింగాల: నవభారత నిర్మాత పండిత జవహర్లాల్ నెహ్రూ జయంతి పురస్కరించుకొని ముందస్తు వేడుకలను లింగాల మండలంలో వివిధ పాఠశాలల్లో ఘనంగా జరుపుకున్నారు. లింగాలలోని శ్రీకృష్ణ కాన్సెప్ట్ ఇంగ్లీష్ మీడియం పాఠశాలలో దివంగత భారత తొలి ప్రధాని పండిత జవహర్లాల్ చిత్రపటానికి కరస్పాండెంట్ చెన్నా శ్రీనివాసులు, ప్రిన్సిపాల్ పరశురాములు తదితరు పూలమాలలు వేసి ఘనంగా నివాళులర్పించారు. చిన్నారులు చాచా నెహ్రూ వేషాధారణలో పాఠశాలకు వచ్చి ఆకట్టుకున్నారు. ఈ సందర్భంగా ప్రిన్సిపాల్ పరశురాములు మాట్లాడుతూ నవంబర్ 14 చాచా నెహ్రు జయంతిని బాలల దినోత్సవంగా జరుపుకుంటామని, బాలల దినోత్సవ ప్రాముఖ్యతను వివరించారు. ప్రథమ ప్రధాని జవహర్లాల్ నెహ్రూ సేవలను వక్తలు కొనియాడారు. విద్యార్థిని విద్యార్థులకు ఆటలు పాటలు సాంస్కృతిక కార్యక్రమాల నిర్వహించి వారికి బహుమతులను ఇచ్చారు.