ప్రైవేట్ పనులకు గ్రామపంచాయతీ ట్రాక్టర్......
మద్దూర్ .....మద్దూరు మండలంలోని వంగపల్లి గ్రామంలో గ్రామ పంచాయతీ పనులకు ఉపయోగించాల్సిన గ్రామపంచాయతీ ట్రాక్టర్ ను గ్రామంలో ఈ మధ్య తరచుగా జెసిబి తో జరుగుతున్న మొరం తవ్వకాల పనులకు గ్రామపంచాయతీ ట్రాక్టర్ ను ఉపయోగిస్తున్నారని పలువురు గ్రామస్తులు ఆరోపిస్తున్నారు. గ్రామంలో ఇంటింటికి తిరిగి చెత్త సేకరించాల్సిన ట్రాక్టర్ తో మొరం తరలింపు పనులు చేపట్టడం ఏంటని పలువురు గ్రామస్తులు మండిపడుతున్నారు. ఇప్పటికైనా అధికారులు స్పందించి ఈ విషయంపై క్షేత్రస్థాయిలో పరిశీలించి తగు చర్యలు చేపట్టాలని గ్రామస్తులు కోరుతున్నారు. ఈ విషయంపై గ్రామపంచాయతీ కార్యదర్శి కిరణ్ ను ఫోన్ ద్వారా వివరణ కోరగా ఈ విషయం తనకు ఎలాంటి సమాచారం లేకుండానే ట్రాక్టర్ ను ఉపయోగించారని పలువురు గ్రామస్తుల ద్వారా తమకు విషయం తెలిసిందని తెలిసిన వెంటనే మొరం తరలించడానికి వెళ్లకుండా నిలిపివేయించానని మరల ఇలాంటి సంఘటనలు పునరావృతం కాకుండా చర్యలు చేపడతానని తెలియజేశారు.
