సీతారామ బద్ధ క్షేత్ర నిర్మాణానికి విరాళాల వెల్లువ

సూర్య- బిక్కనూర్ : మండలంలోని రామేశ్వర పల్లి గ్రామంలో నూతనంగా నిర్మిస్తున్న సీతాభద్రాక్షేత్ర నిర్మాణానికి దాతలు పెద్ద ఎత్తున విరాళాలు అందజేస్తున్నారు. ఇందులో భాగంగా హైదరాబాదుకు చెందిన ప్రముఖ వ్యాపారవేత్త  దూల్ పేట గోయంక 1 లక్ష 50వేల ఒక వంద 16 రూపాయల విరాళాన్ని సోమవారం అందజేశారు. అలాగే ఆదివారం మండలంలోని తిప్పాపూర్ సింగిల్ విండో సొసైటీ చైర్మన్ తిరుపారి భీమ్ రెడ్డి 25 వేల ఒక వంద 16 రూపాయల విరాళాన్ని ఆలయ నిర్మాణానికి అందజేశారు. ఈ సందర్భంగా విరాళం అందించిన వారు మాట్లాడుతూ అత్యంత ప్రతిష్టాత్మకంగా నిర్మిస్తున్న రామ మందిరంలో తమ వంతు భాగస్వామ్యం కావడం తమ అదృష్టం అన్నారు. ఈ కార్యక్రమంలో జిల్లా గ్రంథాలయ సంస్థ చైర్మన్ మద్ది చంద్రకాంత్ రెడ్డి, గ్రామ అభివృద్ధి కమిటీ అధ్యక్షుడు మద్ది సూర్యకాంత్ రెడ్డి, తిప్పాపూర్ గ్రామ సర్పంచ్ కుంట లింగారెడ్డి, మార్కెట్ కమిటీ డైరెక్టర్ రమేష్ రెడ్డి, ఆలయ కమిటీ సభ్యుడు సందుగారి రవీందర్ రెడ్డి, కాంగ్రెస్ పార్టీ నాయకుడు అంకం రాజు పాటిల్ ఉన్నారు