andhrapradesh
అదృశ్యమైన బాలుడి ఆచూకీ లభ్యం
వెల్దుర్తి, మేజర్ న్యూస్: వెల్దుర్తి మండలం లక్ష్మీనగరం గ్రామానికి చెందిన బోయ జగన్ మోహన్ (13) అనే బాలుడు సురక్షితంగా దొరకడంతో కుటుంబసభ్యులు, పోలీసులు ఊపిరి పీల్చుకున్నారు. ఆదివారం సాయంత్రం గోవర్ధనగిరి గ్రామానికి హెయిర్ కటింగ్ కోసమని వెళ్లి కనిపించకుండాపోయిన బాలుడి ఆచూకీ గోవర్ధనగిరిలోనే లభించింది. సమాచారం అందుకున్న పోలీసులు బాలుడిని పట్టుకుని, సకాలంలో లభ్యమయ్యేలా చూసి పోలీస్ స్టేషన్‌లో కుటుంబసభ్యులకు అప్పగించారు. బాలుడు సురక్షితంగా ఇల్లు చేరడంతో లక్ష్మీ నగరం గ్రామంలో సంతోషం వ్యక్తమైంది.
