పత్తి కొనుగోళ్ళు  వెంటనే ప్రారంభించాలి - మాజీ మంత్రి జోగు రామన్న

సూర్య  బేల : పత్తి పంట చేతికొచ్చి నెల రోజులు గడుస్తున్నప్పటికీ బేలలో ఇప్పటివరకు పత్తి కొనుగోళ్లు ప్రారంభం కాకపోవడం శోచనీయమని మాజీ మంత్రి జోగు రామన్న అన్నారు.  సోమవారం  ఏర్పాటు చేసిన విలేకర్ల సమావేశంలో మాట్లాడుతూ వెంటనే  బేల లో పత్తి కొనుగోళ్లు చేపట్టాలని డిమాండ్ చేశారు. ఒకవైపు రైతులు తమ పంటను విక్రయించుకునేందుకు ఎదురుచూస్తుంటే, మరోవైపు  పత్తి దిగుమతులపై కేంద్రంలోని బీజేపీ ప్రభుత్వం  సుంకాన్ని పూర్తిగా తొలగించడం వల్ల  మార్కెట్లో పత్తి ధరలు తగ్గి రైతులు తీవ్రంగా నష్టపోయే పరిస్థితి ఏర్పడిందని పేర్కొన్నారు. 

  కేంద్ర, రాష్ట్ర ప్రభుత్వాలు వెంటనే స్పందించి  పత్తికి గిట్టుబాటు ధర కల్పించేలా చర్యలు తీసుకోవాలని  డిమాండ్ చేశారు. ఈ సమావేశంలో  మాజీ గ్రంథాలయ సంస్థ చైర్మన్ మనోహర్,మస్కే తేజరావు, సతీష్ పవర్, విపిన్ కోడె  నాయకులు తదితరులు పాల్గొన్నారు.