కడప సుధాకర్ రెడ్డి ఆశీస్సులు తీసుకున్న ఎంపిటిసి ధనలక్ష్మీ : కోటకాడపల్లి అభివృద్ధికి కృషిచేయాలని సూచించిన అప్ప

పెద్దమండ్యం,మేజర్ న్యూస్ : ఎంపీటీసీ ఎన్నికల్లో పెద్దమండ్యం మండలం,కోటకాడపల్లి ఎంపీటీసీగా వైఎస్ఆర్సిపి సీనియర్ నాయకులు సగినాల కేశవ సతీమణి సగినాల ధనలక్ష్మి అద్వితీయమైన విజయం సాధించిన సంగతి  విధితమే.ఈ నేపథ్యంలో మంగళవారం కలిచెర్లలో కడప సుధాకర్ రెడ్డి (అప్ప)ని వారు మర్యాదపూర్వకంగా కలిసి ఆయన ఆశీర్వాదం తీసుకున్నారు.ఇందులో భాగంగా శాలువా,పూలమాలతో ఘనంగా సన్మానించారు.ఈ సందర్భంగా సుధాకర్ రెడ్డి మాట్లాడుతూ వైఎస్ఆర్సిపి అధినేత జగన్మోహన్ రెడ్డి అందించిన సుపరిపాలన ప్రజల మనసుల్లో నాటుకుపోయిందన్నారు.దీనిని దృష్టిలో ఉంచుకొని ఎంపీటీసీ,జడ్పిటిసి ఎన్నికల్లో వైసిపి అభ్యర్థులని ఓటర్లు ఆదరించారన్నారు.ఎంపీటీసీగా ఎన్నికైన ధనలక్ష్మిని అభినందిస్తూ పంచాయతీ అభివృద్ధిపై ప్రత్యేక దృష్టి సారించాలని,సమస్యలను ఎప్పటికప్పుడు పరిష్కరిస్తూ ప్రజల నమ్మకాన్ని నిలబెట్టుకోవాలని సూచించారు.అనంతరం సగినాల కేశవ మాట్లాడుతూ సుధాకర్ రెడ్డి ఆశీస్సులు,ఎమ్మెల్యే ద్వారకనాథరెడ్డి ప్రోత్సాహం,వైసిపి నాయకుల సహకారం,ప్రజల ఆశీర్వాదంతో విజయం సాధించడం ఆనందంగా ఉందన్నారు.ప్రజలకు నిరంతరం అందుబాటులో ఉండి పంచాయతీ అభివృద్ధికి కృషిచేస్తామని మౌలిక సదుపాయాల కల్పనకు పెద్దపీట వేస్తానని స్పష్టం చేశారు.ఈ కార్యక్రమంలో వైకాపా సోషల్ మీడియా వింగ్ నాయకులు సగినాల శ్రీకాంత్ తదితరులు పాల్గొన్నారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి