పొనకల్ ప్రాథమిక పాఠశాలలో చిల్డ్రన్ ఫ్రెండ్లీ గ్రామసభ

సూర్య, జన్నారం : జన్నారం మండలంలోని పొనకల్ ప్రాథమిక పాఠశాలలో పాఠశాల విద్యార్థులతో కలిసి ఘనంగా బాలల గ్రామ సభను పొనకల్ మేజర్ గ్రామపంచాయతీ సర్పంచ్ జక్కు సుష్మ భూమేష్ అధ్యక్షతన జాతీయ బాలల దినోత్సవం ఘనంగా నిర్వహించారు. ఈ సందర్భంగా సర్పంచ్ జక్కు సుష్మ భూమేష్ విద్యార్థుల హక్కులు, బాధ్యతలు, వారి ఆరోగ్య అలవాట్లు, ప్రభుత్వ పాఠశాలల విద్యార్థుల కోసం ప్రభుత్వము అందిస్తున్న ప్రాధాన్యత అంశాలను వివరిస్తూ విద్యార్థులతో సరదాగా ముచ్చటించారు. విద్యార్థులు ఏర్పాటు చేసిన ప్రదర్శనలను ఆసక్తిగా తిలకించారు. అంతేకాకుండా పాఠశాలలో నూతనంగా ఏర్పాటు చేసిన ఏ.ఐ కంప్యూటర్ ల్యాబును రిబ్బన్ కట్ చేసి ఆవిష్కరించారు. ఈ కార్యక్రమంలో పొనకల్ ఉప సర్పంచ్ అప్పల జలపతి, కాంప్లెక్స్ ప్రధానోపాధ్యాయులు ఎన్. విజయకుమార్, చైర్ పర్సన్ మూల రేణుక, పాఠశాల ఉపాధ్యాయులు కే.రాజేశం, కే.శ్రీకాంత్, బిల్ కలెక్టర్ అనిల్, వార్డు సభ్యులు మరియు విద్యార్థులు పాల్గొన్నారు.