పేద విద్యార్థులకు పలకలు ,పుస్తకాలు పంపిణీ

పేద విద్యార్థులకు పలకలు, పుస్తకాల పంపిణీ
కనిగిరి ,మేజర్ న్యూస్ :
జాతీయ బాలల దినోత్సవాన్ని పురస్కరించుకొని శనివారం కనిగిరి పట్టణంలోని కాశిరెడ్డి కాలనీలో కనిగిరి మున్సిపాలిటీ మాజీ చైర్మన్, కేఎస్ఎం ఎడ్యుకేషనల్ సొసైటీ చైర్మన్ షేక్ అబ్దుల్ గఫార్ పేద విద్యార్థులతో మమేకమయ్యారు.ఈ సందర్భంగా కాలనీలోని సుమారు వంద మంది చిన్నారులకు పలకలు, పుస్తకాలను మరియు బిస్కెట్ ప్యాకెట్లులను పంపిణీ చేశారు.ఈ సందర్భంగా ఆయన మాట్లాడుతూ బాలల హక్కులు, విద్య, ఆరోగ్యం, సంక్షేమం పట్ల పిల్లలకు, తల్లిదండ్రులకు అవగాహన కల్పించడమే జాతీయ బాలల దినోత్సవం ముఖ్య ఉద్దేశమని అన్నారు.ప్రతి చిన్నారికి నాణ్యమైన విద్య అందించడంతో పాటు వారి భవిష్యత్తుకు బంగారు బాటలు వేయాల్సిన బాధ్యత సమాజంలోని ప్రతి ఒక్కరిపై ఉందన్నారు.పేద విద్యార్థులను ప్రోత్సహించి విద్యాభివృద్ధికి ప్రతి ఒక్కరూ తమ వంతు సహకారం అందించాలని పిలుపునిచ్చారు.ఈ కార్యక్రమంలో ఎల్ ఐ సి నారాయణ,మాజీ వార్డు సభ్యులు ఎస్ ఎన్ రసూల్, షేక్అబ్దుల్ సమద్,  రాపూరి మురళి, శ్రీను, కొండయ్య తదితరులు పాల్గొన్నారు.