పుస్తక పఠనం ద్వారా విజ్ఞానాన్ని పెంపొందించుకోవాలి

ఏలూరు, మేజర్ న్యూస్:  శనివారం ఉమ్మడి పశ్చిమగోదావరి జిల్లా గ్రంథాలయసంస్థ, ఏలూరు జిల్లా కేంద్ర గ్రంథాలయంలో "59 వ"జాతీయ గ్రంథాలయ వారోత్సవాలు ఉదయం10:00  గంటలకు ఎంతో ఘనంగా ప్రారంభమయ్యాయి. ఈ కార్యక్రమానికి సభాధ్యక్షులుగా ఉమ్మడి పశ్చిమగోదావరి జిల్లా గ్రంధాలయ సంస్థ చైర్మన్   జుత్తుగ నాగరాజు  అధ్యక్షత వహించారు. ఈ కార్యక్రమానికి ముఖ్య అతిథిగా ఏలూరు నగరపాలక సంస్థ మేయర్  రెడ్డి అప్పలనాయుడు  పాల్గొని ముందుగా జ్యోతి ప్రజల్వన చేసి కార్యక్రమాన్ని ప్రారంభించారు. ఈ సందర్భంగా వారు మాట్లాడుతూ పుస్తక పఠనం ద్వారా విజ్ఞానాన్ని పెంపొందించుకోవాలన్నారు. అనంతరం బాలల దినోత్సవం సందర్భంగా చిన్నారులను అభినందించారు. ఈ సందర్భంగా ఏలూరు లో ప్రముఖ నృత్యంజలి కళానికేతన్ నాట్యాచారులు  గండికోట.రాజేష్ బృందం ఆధ్వర్యంలో స్వాగత నృత్య సుమాంజలి నృత్యాన్ని చేసి అలరించారు. అనంతరం చిన్నారులను చైర్మన్, మేయర్ లు శాలువాలతో ఘనంగా సత్కరించారు.  ఈ కార్యక్రమంలో జిల్లా గ్రంథాలయ సంస్థ కార్యదర్శి ఎమ్ శేఖర్ బాబు  39 వ డివిజన్ కార్పొరేటర్  మోతుకూరి సీతా నాగేశ్వరరావు,  సీనియర్ జెమిని టివి ఆర్టిస్ట్, కె సోమ్లా నాయక్ ప్రముఖ జర్నలిస్ట్ & సోషల్ వర్కర్ చలసాని వెంకట సురేంద్ర (పెప్సీ)  ఎ సుబ్బారావు  సీనియర్ సోషల్ వర్కర్ , ప్రముఖ పత్రిక ఆర్టిస్ట్, కార్టూనిస్ట్  ఎం జె సుజయ్ కృష్ణ , వివిధ పాఠశాలల విద్యార్థిని విద్యార్థులు, ఉపాధ్యాయులు, జిల్లా కేంద్ర గ్రంథాలయం సిబ్బంది, కార్యాలయం సిబ్బంది, పాఠకులు, తదితరులు పాల్గొని గ్రంథాలయ వారోత్సవాల సభను ఘనంగా నిర్వహించారు. అనంతరం మధ్యాహ్నం 2 :00 గంటలకు మానవతా స్వచంద సేవా సంస్థ ఆధ్వర్యంలో వివిధ పాఠశాలల విద్యార్థిని, విద్యార్థులు పర్యావరణ- పరిరక్షణ సుస్థిరాభివృద్ధి అనే అంశం పై విద్యార్థులకు  వ్యాసరచన పోటీలను నిర్వహించారు. ఈ కార్యక్రమంలో సేవా సంస్థ ప్రతినిధులు మేథర అజయ్ బాబు, కె కృష్ణారావు, పి రత్నాకరరావు, శ్రీనివాస్, మరియు సంస్థ ముఖ్య నిర్వాహకులు పాల్గొన్నారు.