సర్పంచ్ కు 1,50,000 ఆర్థిక సహాయం అందజేసిన సర్పంచులు

సూర్య రెంజల్  : మండలంలోని కిషన్ తాండ సర్పంచ్ విజయ రథోడ్ గత కొన్ని రోజుల నుండి అనారోగ్యానికి ఆసుపత్రిలో చికిత్స పొందుతున్న సర్పంచ్ కు రెంజల్ మండల సర్పంచులు హైదరాబాదులోని ఆసుపత్రిలో కలిసి పరామర్శించి, మనోధైర్యాన్ని తెలిపారు. శనివారం హైదరాబాదులోని ఆసుపత్రిలో సర్పంచ్ ను కలిసి వైద్య చికిత్స నిమిత్తం సర్పంచ్ల తరఫున లక్ష 50 వేల రూపాయల ఆర్థిక సహాయాన్ని అందజేశారు.విజయ త్వరగా కోలుకొని, సంపూర్ణ ఆరోగ్యంతో తిరిగి రావాలని అందరం కలిసి భగవంతుడిని ప్రార్థించారు. కష్టకాలంలో తోటి సర్పంచ్ కుటుంబానికి అండగా నిలవడం మనందరి బాధ్యత అని పేర్కొన్నారు. అందజేసిన వారిలో సాటాపూర్ సర్పంచ్ లచ్చవార్ సుహాసిని నితిన్, నీలా సర్పంచ్ క్యాతం యోగేష్, బోర్గం సర్పంచ్ జ్యోతి కార్తీక్, దుపల్లి సర్పంచ్ ధనూర్ నరసవ్వ, కళ్యాపూర్ సర్పంచ్ భానుచందర్, కునేపల్లి సర్పంచ్ మల్లేష్ , అంబేద్కర్ నగర్ సర్పంచ్ మాధవ్, వీర్నగుట్ట తండా సర్పంచ్ సుమలత జాదవ్ రాజు తదితరులు ఉన్నారు.