andhrapradesh
కలెక్టరేట్ గ్రంథాలయానికి 18 పుస్తకాలు బహుకరణ
బాపట్ల, మేజర్‌న్యూస్‌ :
బాపట్ల జిల్లా కలెక్టరేట్‌లో నూతనంగా ప్రారంభించిన గ్రంథాలయానికి వేటపాలెంకు చెందిన సీనియర్‌ సిటిజన్లు, విశ్రాంత ప్రధానోపాధ్యాయుడు కర్ల సుబ్బారావు, ప్రజా గాయకుడు ఎస్‌.ఎం. షరీఫ్‌ శనివారం 18 పుస్తకాలను బహుకరించారు. గ్రంథాలయానికి పుస్తకాలు అందించాలంటూ కలెక్టర్‌ డాక్టర్‌ వి. వినోద్‌ కుమార్‌ ఇచ్చిన పిలుపు, ఈ విషయంపై పత్రికల్లో వచ్చిన వార్తలకు స్పందించిన వారు కలెక్టరేట్‌కు చేరుకుని స్వయంగా కలెక్టర్‌కు పుస్తకాలను అందజేశారు. ఆధ్యాత్మికత, సనాతన ధర్మం తదితర అంశాలకు సంబంధించిన పుస్తకాలను వారు సమర్పించారు. ఈ సందర్భంగా కలెక్టర్‌ మాట్లాడుతూ, జిల్లా అధికారులు, ప్రజలు స్వచ్ఛందంగా గ్రంథాలయానికి ఉపయోగకరమైన పుస్తకాలను అందించి పఠనాభిరుచిని ప్రోత్సహించాలని కోరారు.
