andhrapradesh
రోడ్డుపక్కన వృద్ధుడి దీనస్థితి.. ఆదుకుని ఆశ్రయం కల్పించిన అల్–ఇందద్ ట్రస్ట్!
హిందూపురం: ముక్కడపేట రోడ్డులో గత మూడు రోజులుగా అనారోగ్యంతో, కాళ్లకు గాయాలతో దీనస్థితిలో ఉన్న బాపన్న (60) అనే వృద్ధుడిని అల్–ఇందద్ చారిటబుల్ ట్రస్ట్ సభ్యులు ఆదుకున్నారు. కౌన్సిలర్ అజ్మత్ సమాచారం మేరకు వెంటనే స్పందించిన ట్రస్ట్ సభ్యులు వృద్ధుడికి క్షౌరం చేయించి, స్నానం చేయించి ప్రాథమిక సంరక్షణ అందించారు. అనంతరం హిందూపురం ప్రభుత్వ ఆసుపత్రికి తరలించి వైద్యం అందేలా చర్యలు తీసుకున్నారు. ఆ తర్వాత హౌసింగ్ బోర్డు సమీపంలోని సహస్రనామం అనాథ ఆశ్రమంలో చేర్పించి ఆశ్రయం కల్పించారు. ఆపదలో ఉన్నవారికి అండగా నిలవడమే తమ ట్రస్ట్ లక్ష్యమని అధ్యక్షుడు ఎం.డి.ఎస్. అమన్ తెలిపారు. ఈ కార్యక్రమంలో కార్యదర్శి ఉమర్ ఫరూక్, క్యాషియర్ ఎం.డి. అర్ఫాత్, కౌన్సిలర్ అజ్మత్, ట్రస్ట్ సభ్యులు పాల్గొన్నారు.
హిందూపురం సూర్య స్టాప్ రిపోర్టర్ నాగేంద్ర
