ఘనంగా నూతన చేయూత పింఛన్ల పంపిణీ కార్యక్రమం

నిర్మల్ పట్టణంలోని ఎఫ్ఎసిఎస్ ఫంక్షన్ హాలులో లబ్ధిదారులకు మంజూరైన నూతన చేయూత పింఛన్లు శనివారం  పంపిణీ చేశారు. ఈ కార్యక్రమంలో భాగంగా నిర్మల్ శాసన సభ్యులు ఏలేటి మహేశ్వర్ రెడ్డి, మున్సిపల్ ఛైర్పర్సన్ అప్పాల కావ్య, వైస్ చైర్మన్ అప్పాల గణేష్ చక్రవర్తి లు పలువురు లబ్ధిదారులకు నూతన పింఛను మంజూరు పత్రాలను అందించారు. ఈ సందర్భంగా పలువురు ప్రజాప్రతినిధులు మాట్లాడుతూ, నూతన పింఛన్ల ద్వారా పేదలకు ఎంతో మేలు కలుగుతుందని అన్నారు. ఆర్థికంగా స్వాంతన చేకూరుతుందని పేర్కొన్నారు. 

ఈ కార్యక్రమంలో మున్సిపల్ కమిషనర్ రవిబాబు, కౌన్సిలర్ లు, లబ్ధిదారులు, ఇతర అధికారులు, లబ్ధిదారులు, ప్రజాప్రతినిధులు, తదితరులు పాల్గొన్నారు.