గ్రంధాలయం లో బాలల దినోత్సవ వేడుకలు

గ్రంథాలయంలో బాలల దినోత్సవ వేడుకలు
కనిగిరి ,మేజర్ న్యూస్ :59వ జాతీయ గ్రంథాలయ వారోత్సవాలు మరియు బాలల దినోత్సవాన్ని కనిగిరి గ్రంథాలయంలో గురువారం ఘనంగా నిర్వహించారు. గ్రంథపాలకుడు షేక్ అహ్మద్ షరీఫ్ అధ్యక్షతన జరిగిన ఈ కార్యక్రమానికి రిటైర్డ్ మండల విద్యాశాఖ అధికారి ఎన్ తులసీ రామయ్య ముఖ్య అతిథిగా హాజరై జ్యోతిప్రజ్వలన చేసి ప్రారంభించారు.నెహ్రూ జయంతి సందర్భంగా పండిట్ జవహర్లాల్ నెహ్రూ చిత్రపటానికి పూలమాలలు వేసి నివాళులర్పించారు. ఈ సందర్భంగా ఆయన  మాట్లాడుతూ భారత తొలి ప్రధానమంత్రి నెహ్రూ దేశ అభివృద్ధికి అనేక సంస్కరణలు తీసుకొచ్చారని అన్నారు .పిల్లలతో గడిపిన సమయాన్ని అత్యంత ప్రాధాన్యంగా చూసిన నేత నెహ్రూ పుట్టిన రోజునే బాలల దినోత్సవంగా ప్రభుత్వం ప్రకటించిందని తెలిపారు .గ్రంథాలయ అభివృద్ధికి తన వంతు సహకారం అందిస్తానని ఆయన హామీ ఇచ్చారు.ఉపాధ్యాయులు బోయర్ల వెంకటేశ్వర్లు మాట్లాడుతూ నేటి బాలలే రేపటి భారత పౌరులు. బాలల హక్కులు, వారి స్వేచ్ఛ పట్ల నెహ్రూ చూపిన దృక్పథం శాశ్వత ప్రేరణ అని పేర్కొన్నారు.ఈ కార్యక్రమంలో ఉపాధ్యాయిని షేక్ జైనాబి, రిటైర్డ్ ఉపాధ్యాయులు షఫీ ,మస్తాన్ ,రంతుల్లా ,విద్యార్థులు గ్రంధాలయ సిబ్బంది పాల్గొన్నారు.