కాబోయే ఎంపీపీ పువ్వాడి దంపతులకు సన్మానం

పామూరు, మేజర్ న్యూస్ : చిలంకూరు  ఎంపీటీసీగా ఏకగ్రీవంగా ఎన్నికై ఈ నెల 19న ఎంపీపీ గా ఎన్నిక కాబోతున్న పువ్వాడి వెంకటేశ్వర్లు, తూర్పుకోడిగుడ్లపాడు టీడీపీ ఎంపీటీసీగా ఏకగ్రీవంగా గెలుపొందిన ఆయన సతీమణి పువ్వాడి వెంకటలక్ష్మమ్మ దంపతులను మిట్టపాలెం శ్రీ నారాయణస్వామి మాజీ చైర్మన్ పాములపాటి మాధవప్రసాద్ సన్మానించారు. పామూరులోని పువ్వాడి వెంకటేశ్వర్లు నివాసంలో ‌ శనివారం మర్యాదపూర్వకంగా కలిసి శాలువాతో సత్కరించి శ్రీ నారాయణస్వామి చిత్రపటాన్ని అందజేశారు.ఈ సందర్భంగా పాములపాటి మాధవప్రసాద్ మాట్లాడుతూ ప్రజాక్షేత్రంలో ప్రజలకు నిరంతరం సేవలందిస్తూ పువ్వాడి దంపతులు భవిష్యత్తులో మరెన్నో ఉన్నత పదవులు అధిరోహించాలని ఆకాంక్షించారు. ప్రజల ఆదరాభిమానాలతో మరింత ఉన్నత స్థాయికి ఎదగాలని కోరుతూ వారికి హృదయపూర్వక శుభాకాంక్షలు తెలిపారు. ఈ కార్యక్రమంలో మండల ఎస్సీ నాయకులు డోలా శేషాద్రి నాయుడు, పాములపాటి నరేంద్ర పాల్గొన్నారు.