నూతన పింఛన్ల పత్రాల పంపిణీ చేసిన సర్పంచులు

సూర్య, పెంచికల్‌పేట్: మండలంలోని ఎల్కపల్లి,ఎల్లూరు, దరోగపల్లి, అగర్‌గూడ, కమ్మర్‌గాం గ్రామపంచాయతీల్లో శనివారం నూతనంగా మంజూరైన చేయూత పింఛన్ల మంజూరు పత్రాలను ఆయా గ్రామాల సర్పంచులు లబ్ధిదారులకు పంపిణీ చేశారు. ఎల్లూరులో సర్పంచ్ చప్పిడే రవీందర్, అగర్‌గూడలో సర్పంచ్ అల్లూరి రాజేశ్వరి రాజు పత్రాలు అందజేశారు. దరోగపల్లి, ఎల్కపల్లి లో సర్పంచ్లు బొట్టుపెల్లి కృష్ణవేణి-హరీష్, భక్తు రాంచేందర్ ఇంటింటికీ వెళ్లి పత్రాలు పంపిణీ చేయగా, కమ్మర్‌గాంలో సర్పంచ్ కొండ్రా సులోచన భాస్కర్ గౌడ్, ఉపసర్పంచ్ తిరుపతి లబ్ధిదారులకు అందజేశారు. ఈ కార్యక్రమాల్లో పంచాయతీ కార్యదర్శులు, గ్రామ పెద్దలు, నాయకులు, లబ్ధిదారులు పాల్గొన్నారు.