పోలియో రహిత సమాజమే లక్ష్యం ప్రతి చిన్నారికి రెండు చుక్కలు తప్పనిసరి
కొండాపూర్ ; మండల పరిధిలోని సైదాపూర్ గ్రామంలో ఆదివారం జాతీయ పల్స్ పోలియో దినోత్సవం సందర్భంగా సర్పంచ్ రాధిక రామగౌడ్ చిన్నారులకు పోలియో చుక్కలు వేశారు. ఈ సందర్భంగా ఆమె మాట్లాడుతూ ఐదేళ్లలోపు చిన్నారులందరికీ తప్పనిసరిగా పోలియో చుక్కలు వేయించాలని సూచించారు. పోలియో వైరస్ నాడీ వ్యవస్థపై ప్రభావం చూపి శాశ్వత పక్షవాతానికి కారణమయ్యే ప్రమాదం ఉందని, పోలియో చుక్కలు చిన్నారులకు వ్యాధి నిరోధక రక్షణ కల్పిస్తాయని తెలిపారు. తల్లిదండ్రులు నిర్లక్ష్యం చేయకుండా తమ పిల్లలకు పోలియో చుక్కలు వేయించి పోలియో రహిత సమాజ నిర్మాణంలో భాగస్వాములు కావాలని కోరారు.