పోలీసు అమరవీరులకు ఘన నివాళి.. - గాయత్రి కళాశాల విద్యార్థుల రక్తదానం

సూర్య - పెద్దపల్లి : పోలీసు అమరవీరుల త్యాగాలకు నివాళిగా భారతీయ రెడ్‌క్రాస్ సొసైటీ ఆధ్వర్యంలో పెద్దపల్లిలో నిర్వహించిన రక్తదాన శిబిరంలో గాయత్రి జూనియర్, డిగ్రీ, పీజీ కళాశాలల విద్యార్థులు ఉత్సాహంగా పాల్గొన్నారు. రక్తదానం ద్వారా మానవత్వాన్ని చాటుతూ, సమాజ సేవలో తమ వంతు బాధ్యతను నిర్వర్తించారు. ప్రాణదానం కంటే గొప్ప దానం లేదనే సందేశాన్ని చాటుతూ విద్యార్థులు రక్తదానం చేశారు. ఈ కార్యక్రమంలో కళాశాల అధినేత అల్లంకి శ్రీనివాస్, ఎన్‌ఎస్‌ఎస్‌ ప్రోగ్రామ్‌ ఆఫీసర్‌ సమ్మద్‌తో పాటు విద్యార్థినీ, విద్యార్థులు పాల్గొన్నారు.