పేద, మధ్యతరగతి ప్రజలకు అందుబాటు ధరల్లో శుభకార్యాల వేదిక.. కీసరలో కేజీఎఫ్ ఓపెన్ లాన్స్, ఫంక్షన్ హాల్‌కు భూమిపూజ చేసిన మాజీ మంత్రి మల్లారెడ్డి
మేజర్ న్యూస్, మేడ్చల్ జిల్లా ప్రతినిధి: దసరా పర్వదినాన్ని పురస్కరించుకుని మేడ్చల్ నియోజకవర్గం కీసర మండల కేంద్రంలో నూతనంగా ఏర్పాటు చేయనున్న కేజీఎఫ్ ఓపెన్ లాన్స్, ఫంక్షన్ హాల్ నిర్మాణానికి మాజీ మంత్రి, మేడ్చల్ ఎమ్మెల్యే చామకూర మల్లారెడ్డి భూమిపూజ చేశారు. పేద, మధ్యతరగతి ప్రజలకు తక్కువ ధరలకే అందుబాటులో ఉండేలా ఈ ఫంక్షన్ హాల్‌ను ఏర్పాటు చేయనున్నారు.వివాహాలు, శుభకార్యాలు, ఇతర కుటుంబ వేడుకలను నిర్వహించుకునే సామాన్య ప్రజలకు ఈ వేదిక ఎంతో ఉపయోగకరంగా ఉండనుంది. అందుబాటు ధరల్లో సౌకర్యాలు కల్పించడం ద్వారా మధ్యతరగతి, పేద కుటుంబాలపై ఆర్థిక భారం తగ్గనుంది. ప్రజల అవసరాలను దృష్టిలో ఉంచుకుని ఈ ఫంక్షన్ హాల్‌ను ఏర్పాటు చేయడం విశేషం.ఈ కార్యక్రమంలో బీఆర్ఎస్ సీనియర్ నాయకుడు కందాడి శ్రీకాంత్ రెడ్డితో పాటు బీఆర్ఎస్ నాయకులు, స్థానిక ప్రజలు తదితరులు పాల్గొన్నారు.
జిల్లా స్టాఫ్ రిపోర్టర్: పన్నాల బాల్ రెడ్డి
