మున్సిపాల్టీల్లో ఎన్నికల నిర్వహణపై కసరత్తు!
విజయవాడ:రాష్ట్ర మున్సిపల్ ఎన్నికలపై అత్యున్నత న్యాయస్థానం సుప్రీంకోర్టు వెలువరించిన కీలక ఆదేశాల నేపథ్యంలో రాష్ట్ర ఎన్నికల కమిషన్ (SEC) తక్షణ చర్యలకు ఉపక్రమించింది. విజయవాడలోని కమిషన్ కార్యాలయంలో రాష్ట్ర ఎన్నికల కమిషనర్ అనిల్ చంద్ర పునేఠా అధ్యక్షతన ఉన్నతస్థాయి అత్యవసర సమావేశం నిర్వహించారు. ఈ భేటీలో SEC కార్యదర్శి మల్లికార్జున, ఐజీ రాజకుమారి తదితర ఉన్నతాధికారులు పాల్గొన్నారు.
సుప్రీంకోర్టు ఆదేశాల మేరకు అభ్యర్థుల తుది జాబితాను ఈనెల 25వ తేదీ వరకు ప్రకటించకూడదన్న నిబంధన అమలుతో పాటు, గతంలో తీవ్ర అశాంతి, హింసాత్మక ఘటనలు చోటుచేసుకున్న 19 మున్సిపాలిటీలలో ఎన్నికల ప్రక్రియను పునఃసమీక్షించి సరికొత్త ప్రణాళికతో నిర్వహించడంపై అధికారులు తీవ్రస్థాయిలో కసరత్తు చేస్తున్నారు. ముఖ్యంగా ఆయా మున్సిపాలిటీల్లో నామినేషన్ దాఖలు చేయని అభ్యర్థులకు 48 గంటల అదనపు సమయాన్ని కేటాయించడం, పోటీలో ఉన్న అభ్యర్థులందరికీ పూర్తిస్థాయి ప్రత్యేక భద్రత కల్పించేలా పోలీసు యంత్రాంగాన్ని సన్నద్ధం చేయడంపై అధికారులతో ఎస్‌ఈసీ సుదీర్ఘంగా చర్చించారు. సుప్రీంకోర్టు ఆదేశాలకు అనుగుణంగా నూతన మార్గదర్శకాలను విడుదల చేసేందుకు ఎన్నికల కమిషన్ సిద్ధమవుతోంది.
సుప్రీంకోర్టు ఉత్తర్వులపై SEC అత్యవసర భేటీ.. 19 మున్సిపాల్టీల్లో ఎన్నికల నిర్వహణపై కసరత్తు! విజయవాడ: రాష్ట్ర మున్సిపల్ ఎన్నికలపై అత్యున్నత న్యాయస్థానం సుప్రీంకోర్టు వెలువరించిన కీలక ఆదేశాల నేపథ్యంలో రాష్ట్ర ఎన్నికల కమిషన్ (SEC) తక్షణ చర్యలకు ఉపక్రమించింది. విజయవాడలోని కమిషన్ కార్యాలయంలో రాష్ట్ర ఎన్నికల కమిషనర్ అనిల్ చంద్ర పునేఠా అధ్యక్షతన ఉన్నతస్థాయి అత్యవసర సమావేశం నిర్వహించారు. ఈ భేటీలో SEC కార్యదర్శి మల్లికార్జున, ఐజీ రాజకుమారి తదితర ఉన్నతాధికారులు పాల్గొన్నారు. సుప్రీంకోర్టు ఆదేశాల మేరకు అభ్యర్థుల తుది జాబితాను ఈనెల 25వ తేదీ వరకు ప్రకటించకూడదన్న నిబంధన అమలుతో పాటు, గతంలో తీవ్ర అశాంతి, హింసాత్మక ఘటనలు చోటుచేసుకున్న 19 మున్సిపాలిటీలలో ఎన్నికల ప్రక్రియను పునఃసమీక్షించి సరికొత్త ప్రణాళికతో నిర్వహించడంపై అధికారులు తీవ్రస్థాయిలో కసరత్తు చేస్తున్నారు. ముఖ్యంగా ఆయా మున్సిపాలిటీల్లో నామినేషన్ దాఖలు చేయని అభ్యర్థులకు 48 గంటల అదనపు సమయాన్ని కేటాయించడం, పోటీలో ఉన్న అభ్యర్థులందరికీ పూర్తిస్థాయి ప్రత్యేక భద్రత కల్పించేలా పోలీసు యంత్రాంగాన్ని సన్నద్ధం చేయడంపై అధికారులతో ఎస్‌ఈసీ సుదీర్ఘంగా చర్చించారు. సుప్రీంకోర్టు ఆదేశాలకు అనుగుణంగా నూతన మార్గదర్శకాలను విడుదల చేసేందుకు ఎన్నికల కమిషన్ సిద్ధమవుతోంది.
