మున్సిపల్ ఎన్నికలపై ఉద్యోగులకు గుంటూరు కమిషనర్ కీలక ఆదేశాలు

అనిల్ కాంత్. కె.. గుంటూరు ప్రతినిధి

మున్సిపల్ ఎన్నికలలో ప్రభుత్వ ఉద్యోగుల ప్రవర్తనా నియమావళిపై గుంటూరు నగరపాలక సంస్థ కమిషనర్,అడిషనల్ ఎలక్షన్ అథారిటీ కే మయూర్ అశోక్ కీలక ఆదేశాలు జారీ చేశారు.ఎన్నికలలో ఓటు వేసిన ప్రభుత్వ ఉద్యోగి,ఓటు ఎవరికి వేశామన్న విషయాన్ని గోప్యంగా ఉంచాలని, రాజకీయ నేతల ఎన్నికల ప్రచార సభలలో, ర్యాలీలలో పాల్గొనకూడదని ఆదేశించారు. ప్రభుత్వ ఉద్యోగుల వాహనాలు, నివాస గృహాలపై ఎటువంటి పార్టీ గుర్తులను ఉంచకూడదని, పార్టీ అభ్యర్థులకు ఏజెంట్ గా వ్యవహరించకూడదని స్పష్టం చేశారు. విధి నిర్వహణలో నిర్లక్ష్యం వహిస్తే రు.500 వరకు జరిమానా, ఎలక్షన్ ఏజెంట్ గా వ్యవహరిస్తే మూడు నెలల వరకు జైలు శిక్ష, బూత్ క్యాప్చరింగ్, ఓటర్లను బెదిరించడం వంటి నేరాలకు పాల్పడితే 3 నుండి 5 సంవత్సరాల వరకు జైలు శిక్ష, జరిమానా విధించడం జరుగుతుందని హెచ్చరించారు.