తెలుగుదేశం పార్టీ సిద్ధాంతాలను ఎప్పుడూ గౌరవిస్తాను – ఆచంట సునీత

తెలుగుదేశం పార్టీ సిద్ధాంతాలను ఎప్పుడూ గౌరవిస్తాను – ఆచంట సునీత

నామినేషన్ ఉపసంహరణ; పార్టీ నిర్ణయానికి కట్టుబడి ఉంటానని స్పష్టీకరణ

జగ్గయ్యపేట మేజర్ న్యూస్:- జగ్గయ్యపేట పట్టణ మున్సిపల్ చైర్మన్ అభ్యర్థిగా  ఆచంట సునీత నామినేషన్ దాఖలు చేశారు. అయితే, ఈరోజు ఆమె తన నామినేషన్‌ను ఉపసంహరించుకుంటున్నట్లు తెలిపారు.

ఈ నేపథ్యంలో, ఆమె భర్త  ఆచంట సతీష్ తో ఉన్న సాన్నిహిత్యం దృష్ట్యా, జగ్గయ్యపేట శాసనసభ్యులు  శ్రీరామ్ రాజగోపాల్ (తాతయ్య) వారి నివాసానికి వెళ్లి ప్రత్యేకంగా కలిసి మాట్లాడారు.

ఈ సందర్భంగా ఆచంట సునీత  మాట్లాడుతూ, "నేను ఎల్లప్పుడూ తెలుగుదేశం పార్టీకి కట్టుబడి ఉంటాను. పార్టీ సిద్ధాంతాలను ఎప్పటికీ వీడను. పార్టీ పట్ల నాకున్న గౌరవం, విశ్వాసం ఎప్పటికీ మారవు. పార్టీ ప్రయోజనాలే నాకు ముఖ్యం" అని స్పష్టం చేశారు. పార్టీ పట్ల తమ కుటుంబానికి ఉన్న నిబద్ధతను ఆమె పునరుద్ఘాటించారు.

అనంతరం శాసనసభ్యులు తాతయ్య  మాట్లాడుతూ, పార్టీ పట్ల వారు చూపుతున్న నిబద్ధతను, నామినేషన్ ఉపసంహరణ ద్వారా పార్టీ ఐక్యతకు ఇచ్చిన ప్రాధాన్యతను అభినందించారు. "పార్టీ కోసం కష్టపడే ప్రతి కార్యకర్తకు, నాయకుడికి తెలుగుదేశం పార్టీ ఎప్పుడూ తగిన గుర్తింపునిస్తుంది. భవిష్యత్తులో మీకు పార్టీ నుండి మంచి స్థానం కల్పిస్తాం" అని భరోసా ఇచ్చారు.

ఈ కార్యక్రమంలో యానాల గోపీచంద్  మాట్లాడుతూ పార్టీ ఐక్యత, క్రమశిక్షణే తెలుగుదేశం పార్టీ బలమని, అందరూ కలిసికట్టుగా పనిచేసి పట్టణ అభివృద్ధికి కృషి చేయాలని నాయకులు ఆకాంక్షించారు

రిపోర్టర్ :-శివా జగ్గయ్యపేట ఎన్టీఆర్ జిల్లా