BREAKING
స్థానిక యువతకు ఉద్యోగ అవకాశాలు కల్పించాలి ఫాక్స్‌కాన్ ద్వారా ఇప్పటికే 300 మందికి ఉపాధి చెన్నైలో సీ ఆర్ రాజన్ నూతన గృహప్రవేశం - హాజరైన ఎమ్మెల్యే జగన్ మోహన్ ప్లాస్టిక్ సర్జరీ వల్లే అలా మారిందంటూ ప్రచారం.. ట్రోల్స్‌పై తీవ్రంగా మండిపడ్డ హాలీవుడ్ నటి ఫ్లోరెన్స్ పుగ్ ఎం వెంకటం పల్లి లో వైసీపీకి షాక్... టిడిపిలో చేరిన ఏడు కుటుంబాలు. విదేశీ మారకద్రవ్య నిల్వలను పెంచేందుకు సీబీఎన్, ఎన్‌ఎన్‌పీసీ ఒప్పందం ఆరుతడి పంటల సాగుపై అన్నదాతలు మొగ్గు చూపాలి : పశుగ్రాసం,పచ్చిరొట్ట ఎరువుల పంటలు సాగు చేయాలి : వ్యవసాయ అధికారులచే రైతులకు అవగాహన పాఠశాలల్లో వంద శాతం హాజరే లక్ష్యంగా కృషి చేయాలి : ఎంఈఓ నిజాముద్దీన్ బ్రంట్ వర్క్‌వేర్‌ను సొంతం చేసుకున్న పెర్మిరా, ఫ్రీమాన్ స్పోగ్లీ కాంగ్రెస్ తోనే నిరుపేదల బతుకు మారుతుంది....! సొంత చెల్లిపై విషపు రాతలతో దిగజారుడు రాజకీయాలు : జగన్ పై మన్నవ మోహనకృష్ణ సంచలన వ్యాఖ్యలు ఎమిరేట్స్ ఎయిర్‌లైన్స్ ఛైర్మన్ సంచలన వ్యాఖ్యలు విజనరీ లీడర్ సీఎం చంద్రబాబు నాయుడు దక్షతతొ రాష్ట్రాభివృద్ధి: ఎమ్మెల్యే నసీర్ డిసెంబర్ 11 నుంచి ఖేలో ఇండియా పోటీలు..లోగో, మస్కట్ గోడ పత్రికలను ఆవిష్కరించిన జిల్లా కలెక్టర్ గరిమ అగ్రవాల్.. నేటి నుండి ఇందిరమ్మ కుటుంబ జీవిత బీమా పథకం ప్రారంభం నిన్న వైసీపీ కండువా.. నేడు అమిలినేని సమక్షంలో టిడిపి కండువా వేసుకున్న నాయకులు.

నేటి నుండి ఇందిరమ్మ కుటుంబ జీవిత బీమా పథకం ప్రారంభం

Select Suryaa Now
నేటి నుండి ఇందిరమ్మ కుటుంబ జీవిత బీమా పథకం ప్రారంభం

               ప్రతి కుటుంబానికి రూ.5 లక్షల జీవిత బీమా భరోసా. దేవరకొండ ఎమ్మెల్యే . బాలునాయక్

చింతపల్లి మేజర్ న్యూస్ : నల్లగొండ జిల్లా.

తెలంగాణ రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ కుటుంబ జీవిత బీమా పథకం నవంబర్ 19 బుధవారం నుండి దేవరకొండ నియోజకవర్గంలోని వివిధ మండలాలలో ప్రారంభం కానుంది. రాష్ట్రంలోని కోటికి పైగా కుటుంబాలకు ఆర్థిక భద్రత కల్పించాలనే లక్ష్యంతో ప్రభుత్వం ఈ పథకాన్ని ప్రవేశపెట్టింది. ఈ పథకం కింద ప్రతి అర్హత కలిగిన కుటుంబంలో సంపాదించే ఒక వ్యక్తికి రూ.5 లక్షల జీవిత బీమా సౌకర్యం కల్పించనున్నారు. బీమా పొందిన వ్యక్తి మరణించిన సందర్భంలో కుటుంబానికి రూ.5 లక్షల ఆర్థిక సహాయం అందజేయడం ఈ పథకం ప్రధాన ఉద్దేశ్యం. కుటుంబ పెద్ద అకస్మాత్తుగా మరణిస్తే ఆ కుటుంబం ఆర్థికంగా కుంగిపోకుండా అండగా నిలవడమే ఈ పథకం వెనుక ఉన్న ముఖ్య ఆలోచన. ముఖ్యంగా పేద, మధ్య తరగతి కుటుంబాలకు ఇది పెద్ద భరోసాగా మారనుంది.
ఈ పథకంలో నమోదుకు కొన్ని అర్హతలను ప్రభుత్వం నిర్దేశించింది. కుటుంబంలో సంపాదించే వ్యక్తులలో ఒకరిని మాత్రమే ఈ పథకంలో నమోదు చేసుకునే అవకాశం ఉంటుంది. అర్హత కలిగిన వ్యక్తి వయస్సు 18 నుంచి 59 సంవత్సరాల మధ్య ఉండాలి. 19 నవంబర్ 1967 నుంచి 18 నవంబర్ 2008 మధ్య జన్మించిన వ్యక్తులు అర్హులు. జనన తేదీ నిర్ధారణకు ఆధార్ పత్రంలోని తేదీని పరిగణనలోకి తీసుకుంటారు. కుటుంబ సభ్యులు చర్చించుకొని బీమా పొందే వ్యక్తిని ఎంపిక చేసుకోవచ్చు. నమోదు సమయంలో వారసుడి వివరాలను తప్పనిసరిగా నమోదు చేయాలి. వారసుడి వివరాలు సరిగా లేకపోతే భవిష్యత్తులో ఆర్థిక సహాయం అందడంలో ఇబ్బందులు వస్తాయని అధికారులు స్పష్టం చేస్తున్నారు.
ఈ పథకానికి సంబంధించిన దరఖాస్తుల స్వీకరణ, నమోదు ప్రక్రియ నవంబర్ 19 నుంచి డిసెంబర్ 18 వరకు కొనసాగనుంది. ఆహార భద్రత పత్రం కలిగిన కుటుంబాల వివరాలను పౌరసరఫరాల శాఖ వద్ద ఉన్న వివరాల ఆధారంగా నమోదు చేస్తారు. ఆహార భద్రత పత్రం లేని కుటుంబాలకు ప్రత్యేక దరఖాస్తు పత్రం ద్వారా నమోదు చేసుకునే అవకాశం కల్పించారు. ఇతర జిల్లాలకు చెందిన ఆహార భద్రత పత్రందారులు తమ సమీపంలోని నమోదు శిబిరాలలో దరఖాస్తు చేసుకోవచ్చు. చివరి రోజు వరకు వేచి ఉండకుండా ముందుగానే నమోదు చేసుకోవాలని అధికారులు సూచిస్తున్నారు.
అర్హులైన ప్రతి కుటుంబానికి ఈ పథకం ప్రయోజనం అందేలా గ్రామపంచాయతీ, పురపాలక సంఘంలో ప్రాంతాల వారీగా ప్రత్యేక సహాయక నమోదు శిబిరాలు నిర్వహించనున్నారు. గ్రామపంచాయతీ కార్యదర్శులు, పురపాలక సంఘం ప్రాంతాలలో పురపాలక అధికారులు శిబిరాల బాధ్యులుగా వ్యవహరిస్తారు. సమూహ అధికారులు, సంబంధిత సిబ్బంది, గణన యంత్ర నిర్వాహకుల సహకారంతో దరఖాస్తుల నమోదు ప్రక్రియ చేపట్టనున్నారు. శిబిరాల నిర్వహణకు రెండు రోజుల ముందుగానే గ్రామాలలో, ప్రాంతాలలో దండోరా ద్వారా ప్రచారం చేయడంతో పాటు చరవాణి సమూహాలు, చరవాణి స్థితి సందేశాలు, ఇతర సామాజిక ప్రసార మాధ్యమాల ద్వారా ప్రజలకు అవగాహన కల్పించనున్నారు. ఎవరూ మిగిలిపోకుండా ప్రతి ఇంటికి సమాచారం చేరేలా చర్యలు తీసుకుంటున్నారు.
ఇందిరమ్మ కుటుంబ జీవిత బీమా పథకం అమలులో భాగంగా మండలాలలో మండల ప్రజా పరిషత్ కార్యాలయం, మున్సిపాలిటీలో మున్సిపల్ కార్యాలయంలో పంచాయతీ కార్యదర్శులు,వార్డు అధికారులు,సమూహ అధికారులు, కార్యాలయ సిబ్బంది, సంబంధిత అధికారులు, గణన యంత్ర నిర్వాహకులకు శిక్షణ కార్యక్రమం నిర్వహించారు. ఈ సందర్భంగా పథకం అర్హతలు, దరఖాస్తు విధానం, అవసరమైన వివరాలు, వారసుడి నమోదు, ఇతర మార్గదర్శకాలపై అధికారులకు పూర్తి అవగాహన కల్పించారు. దేవరకొండ  నియోజకవర్గంలోని అన్ని మండలాలు, పురపాలక సంఘంలోని ప్రాంతాలలో సర్పంచులు, సభ్యులు, పంచాయతీ కార్యదర్శులు, సమూహ అధికారులు, ఇతర ప్రజాప్రతినిధులు, సంబంధిత సిబ్బంది సమన్వయంతో పనిచేసి ఈ పథకంపై గ్రామ పట్టణ ప్రజలకు విస్తృతంగా అవగాహన కల్పించాలని శాసనసభ్యులు నేనావత్. బాలునాయక్ కోరారు. అర్హత కలిగిన ప్రతి కుటుంబం ఈ అవకాశాన్ని సద్వినియోగం చేసుకొని డిసెంబర్ 18 లోపు నమోదు చేసుకునేలా చర్యలు తీసుకోవాలని సూచించారు. ప్రతి కుటుంబానికి ఆర్థిక భద్రత, ప్రతి అర్హుడికి జీవిత బీమా భరోసా కల్పించడమే ఈ పథకం లక్ష్యమని ఎమ్మెల్యే  తెలిపారు.