వివాహ వార్షికోత్సవం, జన్మదినం సందర్భంగా అన్నప్రసాద వితరణ*
మిర్యాలగూడ అర్బన్, మేజర్ న్యూస్: మిర్యాలగూడ పట్టణంలోని అయ్యప్ప స్వామి దేవాలయంలో మున్సిపల్ వైస్ చైర్మన్ గుడిపాటి శిరీష నవీన్ దంపతుల వివాహ వార్షికోత్సవం, పారిశ్రామికవేత్త రాజేంద్ర జన్మదినోత్సవాన్ని పురస్కరించుకుని ప్రత్యేక అన్నప్రసాద వితరణ కార్యక్రమాన్ని నిర్వహించారు.
ఎమ్మెల్యే బత్తుల లక్ష్మారెడ్డి (BLR) ఆధ్వర్యంలో బుధవారం నిర్వహించిన ఈ కార్యక్రమానికి ఎమ్మెల్యే బత్తుల లక్ష్మారెడ్డి దంపతులతో కలిసి హాజరై అయ్యప్ప స్వామికి ప్రత్యేక పూజలు నిర్వహించారు. అనంతరం అయ్యప్ప స్వాములకు, భక్తులకు స్వయంగా అన్నప్రసాదం వడ్డించి వితరణ చేశారు.
ఈ కార్యక్రమంలో మున్సిపల్ చైర్మన్ చిలుకూరి సుధా బాలకృష్ణ, కౌన్సిలర్లు, ప్రజాప్రతినిధులు, నాయకులు, అయ్యప్ప స్వామి భక్తులు తదితరులు పాల్గొన్నారు.