నీటిని పొదుపుగా వాడాలి ఎల్-నినో పై అవగాహన

భువనగిరి ప్రతినిధి మేజర్  న్యూస్  ;  భువన్గిరి మున్సిపాలిటీ పరిధిలోని 30వ వార్డు పహాడి నగర్ లోని ప్రభుత్వ ఉర్దూ మీడియం స్కూల్ లో  త్రాగునీటి పొదుపుపై అవగాహన వార్డు సభ నిర్వహించడం జరిగింది అని తెలిపారు.ఈ అవగాహన సభకు ముఖ్య అతిథిగా 30వ వార్డు కౌన్సిలర్ ఎం.డి.లయిక్ అహ్మద్  హాజరై ప్రజలను ఉద్దేశించి మాట్లాడారు.ఈ సందర్భంగా ఆయన మాట్లాడుతూ ప్రతి ఒక్కరూ మంచినీటిని ఎంతో పొదుపుగా, బాధ్యతగా వాడుకోవాలని రాబోయే రోజుల్లో తాగునీటి కొరత ఉండే అవకాశం ఉంది. అందుకే ఇప్పటి నుండే నీటిని వృథా చేయకుండా భవిష్యత్తు అవసరాల కోసం కాపాడుకోవాలని మున్సిపల్ నల్లా వచ్చినప్పుడు పైపులతో కార్లు కడగడం, ఇంటి బయట గోడలు, వాకిళ్లు కడగడం వంటివి చేయరాదని అన్నారు.
రాబోయే 8 నెలల పాటు ఎండల తీవ్రతతో, భూగర్భ జలాల అడుగంటడం వలన మంచినీటి సమస్య తలెత్తే అవకాశం ఉంది. ఇప్పటి నుండి పొదుపు చర్యలు పాటిస్తే రాబోయే వేసవిని సులభంగా అధిగమించవచ్చని అన్నారు.వార్డు ప్రజలందరూ సహకరించి ఈ విపత్తును ఎదుర్కోవాలి" అని పిలుపునిచ్చారు.ఈ కార్యక్రమంలో వార్డు ఆఫీసర్ గోలి నరేందర్, ఆర్.పి. బ్రమరాంబ, అంగన్వాడీ టీచర్ ఫౌజియా,నాయకులు ఎండి.మన్సూర్,నిఖిల్,వహిద వార్డు ప్రజలు పెద్ద ఎత్తున పాల్గొన్నారు*