అర్నాబ్ తుఫాన్ బాధిత రైతులను ఆదుకోవాలి - బుర్రి శ్రీరాములు

మునగాల, మేజర్ న్యూస్: అర్నాబ్ తుఫాన్ తో నష్టపోయిన రైతులను ప్రభుత్వం ఆదుకోవాలని రైతు సంఘం రాష్ట్ర నాయకులు బుర్రి శ్రీరాములు డిమాండ్ చేశారు.శుక్రవారం రైతు సంఘం ఆధ్వర్యంలో మునగాల మండల కేంద్రంలో తుఫాన్ వల్ల వర్షం, గాలికి నేలకొరిగిన పంట పొలాలను పరిశీలించారు. అనంతరం మునగాల తహసీల్దార్ సరితకు వినతిపత్రం అందజేశారు.
ఈ సందర్భంగా బుర్రి శ్రీరాములు మాట్లాడుతూ "అర్నాబ్ తుఫాన్ వల్ల వరి పంట ఈత దశలో ఉండగా నేలకొరగడం వల్ల రైతులకు తీవ్ర నష్టం వాటిల్లింది. ఇప్పటికే ఎల్ నినో ప్రభావంతో వర్షాలు సక్రమంగా లేక పంటలు ఎండిపోయి రైతులు కన్నీరు పెడుతుంటే, ఇప్పుడు తుఫాన్ తో చేతికొచ్చిన పంట నేలపాలైంది. ప్రభుత్వం వెంటనే స్పందించి అధికారులతో అంచనా వేయించి నష్టపోయిన రైతులకు వరి, పత్తి తదితర పంటలకు ఎకరానికి రూ. 25,000 నష్టపరిహారం ఇవ్వాలి" అని కోరారు.
ఈ కార్యక్రమంలో రైతు సంఘం మండల అధ్యక్షులు చంద్రయ్య, కార్యదర్శి స్టాలిన్ రెడ్డి, జిల్లా ఉపాధ్యక్షులు షేక్ సైదా, ఐద్వా రాష్ట్ర నాయకురాలు జూలకంటి విజయలక్ష్మి, సీఐటీయూ జిల్లా కమిటీ సభ్యులు బచ్చలకూర స్వరాజ్యం, కెవిపిఎస్ జిల్లా ఉపాధ్యక్షులు నందిగామ సైదులు, రైతు సంఘం నాయకులు కృష్ణారెడ్డి, వెంకన్న, జ్యోతి, మల్లారెడ్డి, నాగయ్య, వెంకటాద్రి, రమేష్, బ్రహ్మం తదితరులు పాల్గొన్నారు.