రామాలయం శివాలయం నిర్మాణానికి భూమి పూజ

దామెర:, మేజర్ న్యూస్, దామరమండలంలోని ముస్త్యాలపల్లి గ్రామంలో రామాలయం, శివాలయాల నిర్మాణానికి సుమారు నాలుగు కోట్ల నలభై లక్షల అంచనా వ్యయంతో పనులు చేపడుతున్నట్లు ముస్త్యాలపల్లి గ్రామానికి చెందిన బొల్లం లక్ష్మణ్ తెలిపారు. శుక్రవారం బొల్లం లక్ష్మణ్ ఆధ్వర్యంలో  ఆలయ నిర్మాణానికి భూమిపూజ నిర్వహించారు.ఆలయ నిర్మాణానికి ఇప్పటికే రెండు కోట్ల నలభై లక్ష్యలు మంజూరైనట్లు పేర్కొన్నారు.బొల్లం లక్ష్మణ్ ఆధ్వర్యంలో ఆలయ నిర్మాణ కార్యక్రమాలు కొనసాగనున్నాయి. ఈ కార్యక్రమానికి ముఖ్యఅతిథిగా పరకాల శాసనసభ్యులు రేవూరి ప్రకాష్ రెడ్డి హాజరయ్యారు.అంతకు ముందు పూజారులు వేదమాంత్రాలతో స్వాగతం పలికారు.ఈ సందర్భంగా మాట్లాడుతూ ప్రజల శాంతి సౌఖ్యాల కోసం ఈ దేవాలయం తొందరగా అందుబాటులోకి రావాలని ఆకాంక్షించారు. కార్యక్రమంలో టెంపుల్ చైర్మన్ బొల్లం  సాంబయ్య, డైరెక్టర్లు తోట శంకర్,దండు విజేందర్, సిలివేరురాజు,రావుల రాజయ్య గ్రామ సర్పంచ్ తదితరులు పాల్గొన్నారు.

రిపోర్టర్ ,రాజ్ కుమార్ ,దామెర హనుమకొండ జిల్లా