telangana
ఓంకార్ కుటుంబాన్ని పరామర్శించి అండగా ఉంటామని భరోసా ఇచ్చిన మాజీ ఎమ్మెల్యే పైలెట్ రోహిత్ రెడ్డి
తాండూరు/బషీరాబాద్, మేజర్ న్యూస్: వికారాబాద్ జిల్లా తాండూరు నియోజకవర్గంలోని బషీరాబాద్ మండలం జీవన్గి గ్రామానికి చెందిన సోమ్‌శెట్టి జగదీష్ కుమారుడు ఓంకార్ అకాల మరణం చెందడంతో ఆ కుటుంబంలో విషాదం నెలకొంది. ఒక్కగానొక్క కుమారుడిని కోల్పోయిన కుటుంబాన్ని మాజీ ఎమ్మెల్యే పైలెట్ రోహిత్ రెడ్డి పరామర్శించారు. ఓంకార్ మృతి విషయం తెలుసుకున్న ఆయన వెంటనే జీవన్గి గ్రామానికి చేరుకుని బాధిత కుటుంబ సభ్యులను కలిసి ప్రగాఢ సానుభూతి తెలిపారు. ఈ కష్ట సమయంలో కుటుంబ సభ్యులు ధైర్యంగా ఉండాలని, వారికి అన్ని విధాలా అండగా ఉంటామని భరోసా కల్పించారు. ఓంకార్ ఆత్మకు శాంతి చేకూరాలని భగవంతుడిని ప్రార్థించారు. ఈ కార్యక్రమంలో పంజుగుల శ్రీశైల రెడ్డి, నర్సిరెడ్డి, పి. నర్సింలు, వరాల శ్రీనివాస్ రెడ్డి, రవి శంకర్ పాటే, ఉపసర్పంచ్ జనార్ధనప్ప, దస్తయ్య గౌడ్, అంజిలప్ప తదితరులు పాల్గొన్నారు.
