telangana
ముస్తాబాద్‌లో శృతి మించుతున్న డీజే సౌండ్!
సూర్య, ముస్తాబాద్ : ముస్తాబాద్‌లో దుర్గామాత నిమజ్జనోత్సవం సందర్భంగా డీజే సౌండ్ శృతి మించిందనే విమర్శలు వినిపిస్తున్నాయి. నిమజ్జన ఊరేగింపు అంగడి బజార్‌ మీదుగా సాగడంతో ఒకవైపు మార్కెట్‌, మరోవైపు రహదారి ఉండటంతో ట్రాఫిక్ సమస్యలు తలెత్తాయి. వాహనాల రాకపోకలకు ఇబ్బందులు ఎదురయ్యాయి. నిమజ్జన ఊరేగింపులో డీజే శబ్దం అధికంగా వినిపిస్తున్నప్పటికీ, పోలీసు వాహనం డీజే వెనకాలే ఉండటం చర్చనీయాంశంగా మారింది.పండుగల సందర్భంగా భక్తి, ఆధ్యాత్మిక వాతావరణం నెలకొనాల్సి ఉండగా, అధిక శబ్దంతో ప్రజలు, వ్యాపారులు, వాహనదారులు ఇబ్బందులు పడకుండా అధికారులు చర్యలు తీసుకోవాల్సిన అవసరం ఉందనే అభిప్రాయాలు వ్యక్తమవుతున్నాయి. అంగడి బజార్‌లో ట్రాఫిక్ నియంత్రణకు ప్రత్యేక చర్యలు చేపట్టి, డీజే శబ్దంపై నిబంధనలు అమలు చేయాలని ప్రజలు కోరుతున్నారు.
