కాకతీయ విశ్వవిద్యాలయంలో విద్యార్థుల ఆందోళన
హనుమకొండలోని కాకతీయ విశ్వవిద్యాలయంలో (కేయూ) అర్ధరాత్రి విద్యార్థుల ఆందోళనతో ఉద్రిక్తత నెలకొంది. హాస్టల్లో నాణ్యమైన ఆహారం అందించడం లేదని ఆరోపిస్తూ విద్యార్థులు యూనివర్సిటీ మొదటి గేట్ వద్ద బైఠాయించి నిరసనకు దిగారు.
పౌష్టికాహార లోపం మరియు నాణ్యత లేని భోజనం కారణంగా సుమారు 14 మంది విద్యార్థులు అస్వస్థతకు గురయ్యారని ఆందోళనకారులు తెలిపారు. అధికారుల నిర్లక్ష్యంపై తీవ్ర ఆగ్రహం వ్యక్తం చేసిన విద్యార్థులు, అర్ధరాత్రి వేళ గేట్ ఎదుట నినాదాలు చేస్తూ తమ నిరసనను తెలియజేశారు. హాస్టల్ మెనూ ప్రకారం నాణ్యమైన, పౌష్టికాహారాన్ని అందించాలని, బాధ్యులపై తక్షణమే చర్యలు తీసుకోవాలని వారు డిమాండ్ చేశారు.