ఆలయాల్లో సిరమ్మ ప్రత్యేక పూజలు...
విజయనగరం మేజర్ న్యూస్:
విజయనగరం జిల్లా పరిషత్ చైర్పర్సన్ అభ్యర్థిగా కూటమి ప్రభుత్వం ప్రకటించిన తెలుగుదేశం పార్టీ అరకు పార్లమెంట్ పరిశీలకులు, ఉమ్మడి విజయనగరం జిల్లా మాజీ జడ్పీ చైర్మన్ మజ్జి శ్రీనివాసరావు (చిన్న శ్రీను) కుమార్తె మజ్జి సిరి సహస్ర (సిరమ్మ), ఈరోజు జడ్పీ చైర్పర్సన్ ఎన్నిక నేపథ్యంలో విజయనగరం పట్టణంలోని ఉత్తరాంధ్ర ఇలవేల్పు శ్రీ పైడితల్లి అమ్మవారిని దర్శించుకుని ప్రత్యేక పూజలు నిర్వహించారు. ఈ సందర్భంగా ఆమె భర్త బడ్డుకొండ ప్రదీప్ నాయుడు వెంట ఉన్నారు.
కూటమి ప్రభుత్వం జడ్పీ చైర్పర్సన్ అభ్యర్థిగా తన పేరును ప్రకటించిన నేపథ్యంలో, ఈరోజు ఎన్నికల ప్రక్రియ ప్రారంభానికి ముందు అమ్మవారినీ భక్తిశ్రద్ధలతో దర్శనం చేసుకున్నారు అమ్మ వారి ఆశీస్సులు తీసుకున్నారు. జిల్లా ప్రజలకు సేవ చేసే అవకాశం లభించాలని, విజయనగరం జిల్లా అభివృద్ధి, ప్రజల సంక్షేమం కోసం అంకితభావంతో పనిచేసే శక్తిని ప్రసాదించాలని అమ్మవారిని ప్రార్థించారు.
అమ్మవారి ఆశీస్సులతో ఎన్నికల ప్రక్రియ సజావుగా సాగాలని, జిల్లా సమగ్ర అభివృద్ధి, ప్రజా సంక్షేమమే లక్ష్యంగా తన బాధ్యతలను నిర్వర్తించేలా దీవించాలని కోరుతూ అమ్మవారి ఆశీస్సులు పొందారు. అలాగే ఆంజనేయ స్వామిని దర్శించుకుని ప్రత్యేక పూజలు చేశారు.