కాపల్లి పంచాయతీ సర్పంచ్ బరిలో సుబ్రహ్మణ్యం రాజు : వైసీపీ బలపరిచిన అభ్యర్థి పోటీకి సన్నద్ధం ప్రజాసేవే లక్ష్యంగా ముందుకు సాగుతానని వెల్లడి
రామసముద్రం,మేజర్ న్యూస్ : మదనపల్లి నియోజకవర్గం,రామసముద్రం మండలంలోని కాపల్లి గ్రామపంచాయతీ సర్పంచ్ అభ్యర్థిగా సుబ్రహ్మణ్యం రాజు ఎన్నికల బరిలోకి దిగుతున్నారు.వైఎస్సార్ కాంగ్రెస్ పార్టీ బలపరిచిన అభ్యర్థిగా ఆయన పోటీకి సిద్ధమయ్యారు.ప్రజలకు సేవ చేయాలనే సంకల్పంతో ఎన్నికల రంగంలోకి అడుగుపెడుతున్నట్లు తెలిపారు.గ్రామంలో నెలకొన్న సమస్యలను గుర్తించి వాటి పరిష్కారానికి కృషి చేయడంతోపాటు,మౌలిక సదుపాయాల కల్పన,గ్రామాభివృద్ధికి ప్రాధాన్యతనిస్తానని ఆయన లక్ష్యంగా పెట్టుకున్నారు.ప్రజలతో మమేకమై,వారి సమస్యలకు అందుబాటులో ఉంటూ సేవ చేయడమే తన ప్రధాన ఉద్దేశ్యమని పేర్కొన్నారు.గ్రామ ప్రజల ఆశీర్వాదం,ఆదరణతో సర్పంచ్గా అవకాశం దక్కుతుందని సుబ్రహ్మణ్యం రాజు ఆశాభావం వ్యక్తం చేస్తున్నారు.
రిపోర్టర్ : హరినాథ్,రామసముద్రం మండలం