BREAKING
పిల్లల భద్రత సినిమాతోనే ఆగిపోకూడదు అన్న విద్యా బాలన్ భారీ హంగులు, ఫ్రాంచైజీలకు మించి చిన్న సినిమాలకు చోటు కల్పించాలి- అభినయ్ డియో కొత్త ఏఐసీసీ కార్యదర్శుల నియామకం.. తెలంగాణకు సచిన్ సావంత్, సైమన్ అలెక్స్ ఆలయాల్లో సిరమ్మ ప్రత్యేక పూజలు... ఇంద్రకీలాద్రిపై భవానీ మండల దీక్షలు ప్రారంభం.. సింహాద్రిపురంలో తీవ్ర ఉద్రిక్తత.. ఎంపీ వైఎస్ అవినాష్‌రెడ్డి కాన్వాయ్‌పై దాడి! ఏకగ్రీవం దిశగా ఆ రెండు పంచాయతీలు.. ఎంపీటీసీల మెజారిటీతోనే రాజీ ప్రయత్నాలు! ఏపీలో మూడో విడత పంచాయతీ ఎన్నికల నగారా.. ఏకగ్రీవం దిశగా ఆ రెండు పంచాయతీలు.. ఎంపీటీసీ మెజారిటీలతోనే రాజీ ప్రయత్నాలు! 'అక్వాన్' ఎఫెక్ట్: ఉత్తరాంధ్ర జిల్లాలకు రెడ్ అలర్ట్.. మాజీ ఎమ్మెల్యే రేఖానాయక్ ఇళ్లలో ఈడీ మెరుపు సోదాలు కాకతీయ విశ్వవిద్యాలయంలో విద్యార్థుల ఆందోళన నూతన గృహప్రవేశ వేడుకకు హాజరైన తలారి రంగయ్య సిద్దిపేట గడ్డపై రేవంత్ గర్జన! బీఆర్ఎస్ పాలనపై విమర్శల వర్షం.. ప్రతి కుటుంబానికి భరోసా ఇందిరమ్మ కుటుంబ జీవిత బీమా

సింహాద్రిపురంలో తీవ్ర ఉద్రిక్తత.. ఎంపీ వైఎస్ అవినాష్‌రెడ్డి కాన్వాయ్‌పై దాడి!

Select Suryaa Now
సింహాద్రిపురంలో తీవ్ర ఉద్రిక్తత.. ఎంపీ వైఎస్ అవినాష్‌రెడ్డి కాన్వాయ్‌పై దాడి!

వైఎస్సార్ జిల్లా: కడప జిల్లాలో గ్రామ పంచాయతీ ఎన్నికల నామినేషన్ల నేపథ్యంలో ఉద్రిక్త పరిస్థితులు నెలకొన్నాయి. సింహాద్రిపురం మండలం అంకాలమ్మగూడూరులో వైఎస్సార్‌సీపీ ఎంపీ వైఎస్ అవినాష్‌రెడ్డి కాన్వాయ్‌పై దాడి జరిగినట్లు సమాచారం. నామినేషన్ల దాఖలుకు వెళ్తున్న సమయంలో ఈ ఘటన చోటుచేసుకుంది.

అందిన సమాచారం ప్రకారం.. అవినాష్‌రెడ్డి కాన్వాయ్‌పై గుర్తుతెలియని వ్యక్తులు రాళ్లు రువ్వడంతో పాటు పెట్రోల్ బాంబులతో దాడికి పాల్పడినట్లు ఆరోపణలు వచ్చాయి. ఈ ఘటనలో ఎంపీ ప్రయాణిస్తున్న కారు ధ్వంసమైనట్లు తెలుస్తోంది. ఈ దాడి వెనుక టీడీపీ నేత బీటెక్ రవి అనుచరులు ఉన్నారని వైఎస్సార్‌సీపీ వర్గాలు ఆరోపిస్తున్నాయి. బీటెక్ రవి, ఆయన సోదరుల ప్రమేయం ఉందని కూడా ఆరోపణలు వ్యక్తం చేస్తున్నాయి.

గ్రామ పంచాయతీ ఎన్నికల నామినేషన్ల ప్రక్రియ సందర్భంగా ఇప్పటికే పులివెందుల నియోజకవర్గంలో రాజకీయ ఉద్రిక్తతలు కొనసాగుతున్నాయి. వైఎస్సార్‌సీపీ అభ్యర్థులు నామినేషన్లు దాఖలు చేసేందుకు వెళ్తున్న సమయంలో చోటుచేసుకున్న ఈ ఘటనతో స్థానికంగా ఆందోళన నెలకొంది.

మరోవైపు, నామినేషన్ల ప్రక్రియలో తమ పార్టీ అభ్యర్థులను అడ్డుకుంటున్నారని వైఎస్సార్‌సీపీ నేతలు గతంలో పోలీసులపై ఆరోపణలు చేశారు. సింహాద్రిపురం మండలంలో సర్పంచ్ అభ్యర్థులతో పాటు మరికొందరిని పోలీసులు అదుపులోకి తీసుకున్నారంటూ ఆ పార్టీ నేతలు అభ్యంతరం వ్యక్తం చేశారు.

ఈ నేపథ్యంలో ఎంపీ అవినాష్‌రెడ్డికి సంబంధించిన కాన్వాయ్‌పై దాడి జరగడం జిల్లాలో రాజకీయంగా చర్చనీయాంశమైంది. ఘటనపై పోలీసులు స్పందించి దర్యాప్తు చేపట్టాల్సి ఉంది. దాడికి పాల్పడిన వారి వివరాలు, ఘటనకు సంబంధించిన పూర్తి వాస్తవాలు అధికారిక దర్యాప్తులో వెల్లడికావాల్సి ఉంది.

సుర్యా న్యూస్ డెస్క్