జంగంపల్లి ధాన్యం కొనుగోలు కేంద్రం ప్రారంభం

యాదగిరిగుట్ట మేజర్ న్యూస్.....

యాదగిరిగుట్ట మండలం జంగంపల్లి గ్రామంలో శుక్రవారం వరి ధాన్యం కొనుగోలు కేంద్రాన్ని యాదగిరిగుట్ట పిఎసిఎస్ చైర్మన్ చీర శ్రీశైలం ప్రారంభించారు. ఈ సందర్భంగా ఆయన మాట్లాడుతూ రైతులకు మద్దతు ధరకు వరి ధాన్యాన్ని కొనుగోలు చేస్తామని అన్నారు. రైతులు ఎక్కడ దళారులకు అమ్ముకోకుండా ధాన్యం కొనుగోలు కేంద్రాల్లోని ధాన్యాన్ని అమ్ముకోవాలని సూచించారు. రైతులకు అన్ని విధాలుగా అండగా ఉంటామని అన్నారు. ఈ కార్యక్రమంలో జంగంపల్లి సర్పంచ్ కృష్ణ, భాస్కర్, బుజ్జ, శ్రీనివాసులు, గాసిరాం నాయక్, రమేష్, ఆంజనేయులు తదితరులు పాల్గొన్నారు.