సూర్య రాజంపేట : రాజంపేట మండల కేంద్రంలో దివంగత మాజీ ప్రధాని, భారతదేశ తొలి మహిళా ప్రధానమంత్రి ఇందిరాగాంధీ 109వ జయంతి వేడుకలను ఘనంగా నిర్వహించారు. గ్రామ అధ్యక్షుడు పటేల్ సాయిబాబా ఆధ్వర్యంలో నిర్వహించిన ఈ కార్యక్రమంలో ఇందిరాగాంధీ చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా నాయకులు మాట్లాడుతూ దేశ అభివృద్ధికి, ప్రజా సంక్షేమానికి ఇందిరాగాంధీ చేసిన సేవలను కొనియాడారు. దేశ సమగ్రత, ఐక్యత కోసం ఆమె చేసిన కృషి చిరస్మరణీయమని పేర్కొన్నారు. పేదలు, బడుగు బలహీన వర్గాల అభ్యున్నతికి ఆమె తీసుకున్న నిర్ణయాలు దేశ చరిత్రలో ప్రత్యేక స్థానం సంపాదించుకున్నాయని అన్నారు. మహిళా నాయకత్వానికి ఆమె ఆదర్శంగా నిలిచారని గుర్తు చేసుకున్నారు.ఈ కార్యక్రమంలో గ్రామస్తులు, గ్రామంలోని వివిధ శాఖల అధ్యక్షులు, మహిళలు, కాంగ్రెస్ పార్టీ నాయకులు, కార్యకర్తలు, పార్టీ శ్రేణులు పెద్ద సంఖ్యలో పాల్గొని ఇందిరాగాంధీకి ఘనంగా నివాళులర్పించారు. ఆమె ఆశయాలను కొనసాగిస్తూ ప్రజాసేవలో ముందుకు సాగాలని ఈ సందర్భంగా నాయకులు పిలుపునిచ్చారు..