హఫీజ్‌పేట్‌ డివిజన్ పలు కాలనీల్లో పారిశుధ్య పనులపై అధికారులు ప్రత్యేక తనిఖీలు
హఫీజ్‌పేట్‌,మేజర్ న్యూస్ : హఫీజ్‌పేట్‌ డివిజన్ పరిధిలోని గెజిటెడ్‌ ఆఫీసర్స్‌ కాలనీతో పాటు వివిధ కాలనీల్లో నేడు పారిశుధ్యం, పార్కుల నిర్వహణ, నిర్మాణ వ్యర్థాల తొలగింపుపై ప్రత్యేక తనిఖీలు నిర్వహించనున్నారు. ఆయా కాలనీల సంక్షేమ సంఘాల (ఆర్‌డబ్ల్యూఏ) ప్రతినిధులతో కలిసి మియాపూర్ సర్కిల్ డిసి శ్రీనివాస్ క్షేత్రస్థాయిలో పర్యటించారు.ఈ మేరకు అందిన ఫిర్యాదు మేరకు గ్రీన్‌ వేస్ట్‌ను తొలగించేలా చర్యలు తీసుకోనున్నారు. శారదానగర్‌ కాలనీ, గెజిటెడ్‌ ఆఫీసర్స్‌ కాలనీలోని నందవనం పార్కు, బృందావనం పార్కు, ట్రీ పార్కులను తనిఖీ చేసి నిర్వహణ తీరును పరిశీలించారు. నిర్మాణ, కూల్చివేత వ్యర్థాలను నిబంధనలకు విరుద్ధంగా పారవేసే వారిని గుర్తించి జరిమానాలు విధిస్తామని హెచ్చరించారు.వైశాలీనగర్‌ నాలాను పరిశీలించి అక్కడి సమస్యలను సమీక్షించి, పరిష్కారానికి అవసరమైన చర్యలు చేపట్టనున్నారు.ఈ కార్యక్రమంలో ఈఈ (మెయింటెనెన్స్‌), డీవైఈఈ, ఏఈ (ఎస్‌డబ్ల్యూఎం), ఎస్‌ఆర్‌పీ, శానిటరీ ఫీల్డ్‌ అసిస్టెంట్లు (ఎస్‌ఎఫ్‌ఏలు) పాల్గొన్నారు.
