ఎన్ఎస్ఎస్ ఆధ్వర్యంలో శ్రమదానం......

మద్దూర్ …మద్దూర్ మండల కేంద్రంలోని ప్రభుత్వ జూనియర్ కళాశాలలో ఎన్ఎస్ఎస్ ప్రోగ్రాం ఆఫీసర్ శ్రీనివాస్ ఆధ్వర్యంలో విద్యార్థులచే శుక్రవారం శ్రమదాన కార్యక్రమాన్ని నిర్వహించారు. ఈ సందర్భంగా వారు మాట్లాడుతూ కేంద్ర మహిళా శిశు సంక్షేమ శాఖ నిర్ణయం మేరకు జిల్లా కలెక్టర్ ఆదేశాలతో కళాశాల ప్రిన్సిపల్ సూచన మేరకు కళాశాల లో శ్రమదాన కార్యక్రమాన్ని నిర్వహించడం జరిగిందన్నారు. పరిసరాల పరిశుభ్రత కోసం కళాశాల ఆవరణలో ఉన్న చెత్తను తొలగించి తరగతి గదులను శుభ్రపరచినట్లు తెలిపారు. కళాశాల ఆవరణ చుట్టు ఉన్న పిచ్చి మొక్కలను తొలగించి కాల్చి వేయడం జరిగిందన్నారు. ఈ కార్యక్రమంలో అధ్యాపకులు విద్యార్థిని విద్యార్థులు తదితరులు పాల్గొన్నారు.