జడ్పిటిసి గా అవకాశం ఇస్తే అన్ని విధాల అభివృద్ధి.. కూటమి జెడ్పిటిసి అభ్య ర్థి జబ్బల మీన..

ములకలచెరువు, మేజర్ న్యూస్, అన్నమయ్య జిల్లా ములకలచెరువు మండల జడ్పిటిసిగా గెలిపించి అవకాశం ఇస్తే మండలాన్ని మరింత అభివృద్ధి చేస్తానని కూటమి బిజెపి పార్టీ అభ్యర్థిగా పోటీ చేస్తున్న జబ్బల మీనా శ్రీనివాసులు తెలిపారు. శుక్రవారం ములకలచెరువు మండలంలోని దేవుల చెరువు గ్రామపంచాయతీలోని పత్తి కోట, రాజుగారిపల్లి, మండల కేంద్రంలోని నల్లగుట్ట, ఇందిరా కాలనీ, వినాయక నగర్, టమోటా మండీలో జడ్పిటిసి గా గెలిపించాలని కరపత్రాలు పంచుతూ కూటమి నాయకులు, కార్యకర్తలతో కలిసి ఇంటింటా ప్రచారం నిర్వహించారు. ఈ సందర్భంగా జడ్పిటిసి అభ్యర్థి జబ్బల మీనా శ్రీనివాసులు మాట్లాడుతూ రాష్ట్రాలు కూటమి ప్రభుత్వం అన్ని విధాల అభివృద్ధి చేస్తోందని, ప్రజలకు ఇచ్చిన హామీలతో పాటు మరిన్ని అభివృద్ధి సంక్షేమ కార్యక్రమాలు ప్రజలకు అందుబాటులోకి తీసుకొచ్చినట్లు తెలిపారు. కూటమి అభ్యర్థిగా బిజెపి పార్టీ తరఫున జడ్పిటిసిగా తనను గెలిపిస్తే మండలాన్ని అన్ని రంగాలలో అభివృద్ధి చేస్తానని బిజెపి పార్టీ కమలం గుర్తుపై ఓట్లు వేసి తనను గెలిపించాలని ఓటర్లను అభ్యర్థించారు. ప్రచారంలో టిడిపి నాయకులు సింగల్ విండో చైర్మన్ గుత్తికొండ త్యాగరాజు, టిడిపి నాయకులు కట్టా దొరస్వామి నాయుడు, బిజెపి రాష్ట్ర ఓబిసి మోర్చా కోశాధికారి మడుమూరు రామదాసు, శ్రీనివాసులు, ప్రసాద్, సయ్యద్ బాషా, కాలేషా, గంగాదేవి, విజయ్ కుమార్ కేశవులు, జహిర్, కూటమి నాయకులు కార్యకర్తలు పెద్ద సంఖ్యలో పాల్గొన్నారు.

. పి. గౌరి శంకర్, స్టాఫ్ రిపోర్టర్, తంబళ్లపల్లె