ఎన్నికల ప్రచారానికి అనుమతులు తప్పనిసరి: సీఐ

చీపురుపల్లి, సూర్య : స్థానిక సంస్థల ఎన్నికల  ప్రచారం నిర్వహించే అభ్యర్థులు విధిగా నిబంధనలు పాటించాలని, ప్రచారంలో పాల్గొనే అభ్యర్థులు ముందస్తుగా వాహన అనుమతులతో  పాటు, మైక్ అనుమతి  కూడా తప్పనిసరిగా తీసుకోవాలని సీఐ జి శంకరరావు శుక్రవారం స్పష్టం చేశారు. ​అనుమతులు లేకుండా వాహనాలు, మైకులు ఉపయోగిస్తే ఎన్నికల ప్రవర్తనా నియమావళి  ఉల్లంఘన కింద చట్టరీత్యా కేసులు నమోదు చేస్తామని  హెచ్చరించారు. ఎన్నికలు ప్రశాంత వాతావరణంలో జరిగేలా అభ్యర్థులు, రాజకీయ పార్టీల నాయకులు పోలీసు శాఖకు సహకరించాలని ఆయన ఈ సందర్భంగా కోరారు.