బ్యాంక్ ఖాతాదారులందరూ తప్పనిసరిగా కేవైసీ చేయించుకోవాలి ..
బ్యాంక్ ఖాతాదారులందరూ తప్పనిసరిగా కేవైసీ చేయించుకోవాలి ...
- టిజిబి మేనేజర్ ప్రవీణ్...
బ్యాంక్ ఖాతా కలిగిన ప్రతి ఒక ఖాతాదారుడు తమ కేవైసీ (నో యువర్ కస్టమర్) వివరాలను తప్పనిసరిగా అప్డేట్ చేసుకోవాలని తెలంగాణ గ్రామీణ బ్యాంక్ మేనేజర్ ప్రవీణ్ తెలిపారు.భద్రాద్రి కొత్తగూడెం జిల్లా అశ్వరావుపేట నియోజకవర్గం అన్నపురెడ్డిపల్లి మండల కేంద్రంలోని పంచాయతీ కార్యాలయంలో ప్రభుత్వం అమలు చేస్తున్న బ్యాంక్ సామాజిక భద్రత పథకాలపై అవగాహన సదస్సు నిర్వహించారు. ఈ సందర్భంగా టీజీబి అన్నపురెడ్డిపల్లి బ్రాంచ్ మేనేజర్ మాట్లాడుతూ ప్రధానమంత్రి సురక్ష బీమా యోజన, ప్రధానమంత్రి జీవనజ్యోతి బీమా యోజన, సుకన్య సమృద్ధి పథకం, అటల్ పెన్షన్ యోజన పథకాలపై అవగాహన కల్పించారు. ఉపాధి హామీ పనులు, ఆసరా పింఛన్దారులు ప్రతి ఒక్కరూ బ్యాంక్ ఖాతాను కేవైసీ అప్డేట్ చేయించుకోవాలని, కేవైసీ చేయని ఖాతాలను తాత్కాలంగా నిలిపివేసే అవకాశం ఉందని, కేవైసీ చేయించుకోకపోతే డబ్బులు లావాదేవీలు నిలిచిపోవడం, యూపీఐ, ఎటిఎం సేవలో అంతరాయం కలుగుతుందని బ్యాంక్ మేనేజర్ తెలిపారు. ఖాతాదారులందరు వెంటనే స్పందించి కేవైసీ ని పూర్తి చేసుకోవాలని కోరారు. ఈ కార్యక్రమంలో సర్పంచ్ లాకావత్ లక్ష్మి, ఉప సర్పంచ్ మారగాని అశోక్, సిఎఫ్ఎల్ కౌన్సిలర్ ప్రమీల, బ్యాంకు మిత్ర పూడూరి లక్ష్మి, బ్యాంక్ సిబ్బంది, గ్రామస్తులు, తదితరులు పాల్గొన్నారు.
