తెలంగాణ రక్షణ సేన (TRS) దళిత వింగ్ కరీంనగర్ జిల్లా అధ్యక్షుడిగా చంటి శ్రీనివాస్ నియామకం

 సూర్య కరీంనగర్:తెలంగాణ రక్షణ సేన (TRS) పార్టీ కరీంనగర్ జిల్లా అనుబంధ విభాగాల కమిటీని పార్టీ రాష్ట్ర అధ్యక్షురాలు గౌరవనీయులు కల్వకుంట్ల కవిత ఆదేశాల మేరకు ప్రకటించడం జరిగింది. ఇందులో భాగంగా కరీంనగర్ జిల్లా దళిత వింగ్ (District Dalit Wing) అధ్యక్షుడిగా చంటి శ్రీనివాస్ నియమితులయ్యారు.ఈ సందర్భంగా నూతన జిల్లా అధ్యక్షుడు చంటి శ్రీనివాస్ మాట్లాడుతూ... తనపై నమ్మకంతో ఈ బాధ్యతను అప్పగించిన పార్టీ అధినేత్రి కల్వకుంట్ల కవితకు, పార్టీ అగ్రనాయకత్వానికి ప్రత్యేక కృతజ్ఞతలు తెలియజేశారు. జిల్లాలో దళిత సామాజిక వర్గాల హక్కుల కోసం, వారి సంక్షేమం కోసం తెలంగాణ రక్షణ సేన తరపున నిరంతరం శ్రమిస్తానని ఆయన పేర్కొన్నారు. పార్టీ బలోపేతానికి, ఆశయాల సాధనకు శ్రేణులను ఏకోన్ముఖం చేస్తూ ముందుకు సాగుతానని ఈ సందర్భంగా ఆయన స్పష్టం చేశారు.చంటి శ్రీనివాస్ నియామకం పట్ల పార్టీ నాయకులు, కార్యకర్తలు మరియు దళిత సంఘాల ప్రతినిధులు హర్షం వ్యక్తం చేస్తూ ఆయనకు శుభాకాంక్షలు తెలియజేశారు.