క్రీడల్లోనూ అల్ఫోర్స్ బాలికల జూనియర్ కళాశాల విద్యార్థుల ప్రతిభ

సూర్య కరీంనగర్: చదువుతో పాటు క్రీడల్లోనూ అల్ఫోర్స్ బాలికల జూనియర్ కళాశాల విద్యార్థులు అద్భుత ప్రతిభ కనబరుస్తున్నారని అల్ఫోర్స్ విద్యాసంస్థల అధినేత డాక్టర్ వి. నరేందర్ రెడ్డి అన్నారు. కొత్తపల్లిలోని కళాశాలలో రాష్ట్రస్థాయి పోటీలకు ఎంపికైన విద్యార్థులకు నిర్వహించిన అభినందన సభకు ఆయన ముఖ్య అతిథిగా హాజరై మాట్లాడారు. క్రీడలు విద్యార్థులకు శారీరక దృఢత్వంతో పాటు మానసిక ఉల్లాసం, ఒత్తిడి నుంచి ఉపశమనం కలిగిస్తాయని తెలిపారు. అల్ఫోర్స్ విద్యాసంస్థల్లో క్రీడలకు ప్రత్యేక ప్రాధాన్యతనిస్తూ అవసరమైన వసతులు కల్పించడంతో పాటు నిపుణులైన వ్యాయామ ఉపాధ్యాయులతో శిక్షణ అందిస్తున్నామని చెప్పారు.