36వ డివిజన్‌లో మల్లేశ్వరి తరఫున మాజీ మేయర్ మదమంచి స్వరూప ప్రచారం.. అరవింద్ నగర్ మసీదు సమీపంలో మైనార్టీ ఓటర్లను కలిసి మద్దతు కోరిన మాజీ మేయర్..
(అనంతపురము, కార్పొరేషన్ మేజర్ న్యూస్:)
అనంతపురం నగరపాలక సంస్థ ఎన్నికల ప్రచారంలో భాగంగా 36వ డివిజన్ బీజేపీ కార్పొరేటర్ అభ్యర్థి కొట్టం మల్లేశ్వరి తరఫున మాజీ మేయర్ మదమంచి స్వరూప ఎన్నికల ప్రచారం నిర్వహించారు.
అరవింద్ నగర్ మసీదు సమీపంలో మైనార్టీ ఓటర్లను, స్థానిక ప్రజలను ఆమె కలుసుకుని అభ్యర్థి కొట్టం మల్లేశ్వరికి మద్దతు ఇవ్వాలని విజ్ఞప్తి చేశారు. ఈ సందర్భంగా స్థానికులతో మాట్లాడి ఎన్నికల్లో తమ అభ్యర్థికి ఓటు వేసి గెలిపించాలని కోరారు.డివిజన్ అభివృద్ధి, ప్రజలకు అందుబాటులో ఉండే ప్రజాప్రతినిధి అవసరం వంటి అంశాలను ప్రస్తావిస్తూ ఓటర్లతో మదమంచి స్వరూప మాట్లాడారు. ఎన్నికల నేపథ్యంలో వివిధ ప్రాంతాల్లో అభ్యర్థుల తరఫున నాయకులు, కార్యకర్తలు ఇంటింటి ప్రచారాన్ని కొనసాగిస్తున్నారు.36వ డివిజన్‌లో జరుగుతున్న ఈ ప్రచార కార్యక్రమం స్థానిక ఎన్నికల వాతావరణంలో భాగంగా రాజకీయ ప్రాధాన్యత సంతరించుకుంది.
