ఏపీ తుఫాన్ ప్రభావిత ప్రాంతాల్లో విద్యుత్ పునరుద్ధరణకు మిర్యాలగూడ డివిజన్ బృందాలు
ఏపీ తుఫాన్ ప్రభావిత ప్రాంతాల్లో విద్యుత్ పునరుద్ధరణకు మిర్యాలగూడ డివిజన్ బృందాలు
మిర్యాలగూడ అర్బన్, మేజర్ న్యూస్ : ఆంధ్రప్రదేశ్‌లో తుఫాన్ ప్రభావంతో దెబ్బతిన్న విద్యుత్ వ్యవస్థను పునరుద్ధరించేందుకు తెలంగాణ విద్యుత్ శాఖ సహాయక బృందాలను పంపించింది. ఇందులో భాగంగా మిర్యాలగూడ విద్యుత్ డివిజన్ నుంచి ప్రత్యేక బృందాలు ఏపీకి బయలుదేరాయి.
టీజీఎస్పీడీసీఎల్ చైర్మన్, మేనేజింగ్ డైరెక్టర్ శ్రీ జితేష్ పాటిల్, ఐఏఎస్ ఆదేశాల మేరకు నల్లగొండ సర్కిల్ సూపరింటెండింగ్ ఇంజనీర్ శ్రీనివాస్ ఆధ్వర్యంలో ఈ బృందాలను ఏర్పాటు చేశారు.
తుఫాన్ ప్రభావంతో ఆంధ్రప్రదేశ్‌లోని తూర్పు గోదావరి, పశ్చిమ గోదావరి, కృష్ణా జిల్లాల్లో విద్యుత్ స్తంభాలు, విద్యుత్ లైన్లు, ట్రాన్స్‌ఫార్మర్లు దెబ్బతిన్నాయి. విద్యుత్ సరఫరాను త్వరితగతిన పునరుద్ధరించేందుకు ప్రత్యేక వాహనాలు, అత్యాధునిక బ్యాటరీ ట్రీ ప్రూనర్లు, అవసరమైన అత్యవసర పరికరాలతో మిర్యాలగూడ డివిజన్‌కు చెందిన విద్యుత్ అధికారులు, ఉద్యోగులు, సిబ్బంది శుక్రవారం తెల్లవారుజామున ఏపీకి బయలుదేరారు. ఉన్నతాధికారులు జెండా ఊపి బృందాల వాహనాలను ప్రారంభించారు.
ఈ కార్యక్రమంలో మిర్యాలగూడ డివిజనల్ ఇంజనీర్ శ్రీనివాస్ ఆచారి, డివిజన్ ఏడీఈలు తిరుపతయ్య, కోడిరెక్క రవికుమార్, ఇందిరా, ఏఈలు వినోద్ కుమార్, రవీందర్ రెడ్డి, వెంకట్ రెడ్డి, జానయ్య, కృష్ణారెడ్డి, సీనియర్ లైన్ ఇన్‌స్పెక్టర్లు మారం శ్రీనివాస్, వీరభద్రం, ఎల్లయ్య చారి, బిక్షం, జలంధర్, భాస్కర్, సతీష్, వెంకటరత్నంతో పాటు పలువురు విద్యుత్ శాఖ సిబ్బంది పాల్గొన్నారు.
